UP Crime news: ఉత్తరప్రదేశ్ లోని బులంద్ షహర్ కు చెందిన ఓ మహిళ తనకు జరిగిన అన్యాయాన్ని పోలీసులకు వివరించింది. తన భర్త సౌదీలో ఉంటాడని, స్నేహితుల వద్ద డబ్బు తీసుకుని, వారితో తనపై అత్యాచారం చేయించాడని బాధిత మహిళ పోలీసులకు ఫిర్యాదు చేసింది. ఆ అత్యాచారం వీడియోలను సౌదీలో ఉన్న తన భర్తకు అతడి స్నేహితులు పంపించారని వెల్లడించింది. పోలీసులు స్థానికంగా ఉంటున్న నిందితుల కోసం గాలిస్తున్నారు.

సౌదీలో ఉంటూ..

బాధిత మహిళ పోలీసులకు ఇచ్చిన ఫిర్యాదు ప్రకారం.. గత మూడేళ్లుగా ఆమె భర్త తన ఇద్దరు స్నేహితుల నుంచి డబ్బులు తీసుకుని, వారితో ఆమెపై అత్యాచారం చేయిస్తున్నాడు. అతడి స్నేహితులు ఆ వీడియోలను ఆమె భర్తకు పంపిస్తున్నారు. ఈ దారుణం గురించి ఆ మహిళ ఉత్తరప్రదేశ్ లోని మహిళ స్థానిక పోలీస్ స్టేషన్ లో ఫిర్యాదు చేసింది.

15 ఏళ్ల క్రితం వివాహం

బాధిత మహిళ తెలిపిన వివరాల ప్రకారం.. బాధిత మహిళకు 2010లో ఆ వ్యక్తితో వివాహం జరిగింది. వీరికి నలుగురు పిల్లలు ఉన్నారు. ఆ వ్యక్తి ఉపాధి కోసం సౌదీ అరేబియా వెళ్లాడు. . ఏడాదికి ఒకటి లేదా రెండుసార్లు బులంద్ షహర్ లోని తన ఇంటికి వస్తుంటాడు. మూడేళ్ల క్రితం అతడు ఇంటికి వచ్చిన సమయంలో తన ఇద్దరు స్నేహితులు తన భార్యపై అత్యాచారం చేయడానికి అనుమతించాడు. తిరిగి అతడు సౌదీకి వెళ్లిన తర్వాత కూడా అతడి స్నేహితులు ఈ దారుణాన్ని కొనసాగించారు. తన ఇద్దరు స్నేహితుల నుంచి డబ్బు తీసుకుని, తన భార్యపై అత్యాచారం చేయడానికి ఆ వ్యక్తి అనుమతించాడు. ఆ వీడియోను తనకు పంపాలని ఆ శాడిస్ట్ భర్త కోరాడు. తన భర్తను ఈ విషయంపై నిలదీస్తే, ఎవరికీ చెప్పవద్దని అతడు ఆమెను కోరాడు. ‘‘నా భర్త సౌదీ అరేబియాలో కూర్చొని మొబైల్లో ఆ వీడియోలు చూసేవాడు. విడాకులు ఇస్తానని బెదిరించడంతో నా పిల్లల కోసం మౌనంగా ఉండిపోయాను’’ అని బాధితురాలు తెలిపింది.

పోలీసులకు ఫిర్యాదు

ఇటీవల తన సోదరి భర్త ఇంటికి వచ్చినప్పుడు ఈ దారుణం గురించి తమ కుటుంబానికి తెలిసిందని బాధితురాలి సోదరుడు తెలిపాడు. తన సోదరికి, ఆమె భర్తకు మధ్య వాగ్వాదం జరిగిందని, ఆ తర్వాత ధైర్యం కూడగట్టుకుని ఆమె తన భర్తపై ఫిర్యాదు చేసిందని బాధితురాలి సోదరుడు తెలిపారు. బాధితురాలి భర్త, అతని స్నేహితులను ఇంకా అరెస్టు చేయలేదని, ఈ కేసుకు సంబంధించి తదుపరి దర్యాప్తు కొనసాగుతోందని పోలీసులు తెలిపారు.