ఆహారం (అన్నం) తినే సమయంలో నీరు తాగడంపై భిన్నాభిప్రాయాలు ఉన్నాయి. కొందరు అరుగుదలకు ఇబ్బందిగా మారుతుందని చెప్తుంటే, మరికొందరేమో ఆహారం తీసుకుంటున్న సమయంలో నీరు తాగడమనేది త్వరగా జీర్ణం కావడానికి సహకరిస్తుందని చెప్తుంటారు. అసలు ఇందులో వాస్తవమెంత? జీర్ణ శక్తి పెరిగేందుకు నీరు ఏ సమయంలో ఎప్పుడు తీసుకోవాలి?

ఆయుర్వేదం ఏం చెబుతుంది?

ఆయుర్వేద శాస్త్రం ప్రకారం, నీరు కొన్ని సమయాలలో మాత్రమే తీసుకోవాలి. ఆహారం తినే సమయంలో అస్సలు తీసుకోకూడదు. ఎందుకంటే, తింటూ ఉన్న సమయంలో ఆహారాన్ని జీర్ణం చేసే జీర్ణ రసాలు ఉత్పన్నమవుతుంటాయి. వాటితో పాటుగా నీరు చేరడం వల్ల జీర్ణశక్తిని నిదానం చేసేస్తాయి. ఫలితంగా గ్యాస్, జీర్ణకోశ సమస్యలు కలగవచ్చు. అంటే దీనిని బట్టి ఆహారం త్వరగా జీర్ణం కావడానికి కనీసం 30 నిమిషాల కంటే ముందే నీరు తాగాలి. లేదంటే ఆహారం తిన్న ఒక గంట తర్వాత మాత్రమే నీరు తాగాలి.

నీరు తాగితే వచ్చే సమస్యలేంటి:

1. అగ్ని (జీర్ణాశయ అగ్ని): అగ్ని అంటే జీర్ణక్రియను నియంత్రించే శక్తి. ఇది ఆరోగ్యానికి మేలు చేస్తుందని ఆయుర్వేదంలో పేర్కొన్నారు. ఆహారం తినేటప్పుడు నీరు తాగడం అగ్నిని తగ్గించే అవకాశాలున్నాయట. దీంతో జీర్ణశక్తి మందగించి ఆహారం పూర్తిగా జీర్ణం కాదు.

2. ఆహారంతో నీరు కలవడం: ఆయుర్వేదం ప్రకారం, ఆహారం, నీరు స్వభావాలు వేరు. ఉదాహరణకు, ఆహారం వేడి లేదా శీతలమైన ప్రభావం చూపిస్తే, నీరు తటస్థమైన లేదా శీతలమైన స్వభావం కలిగి ఉంటుంది. ఆహారంతో పాటుగా మిగతా అన్ని ద్రవాలను జీర్ణం కావడానికి తగినంత నీరు కావాలి. కానీ అదే సమయంలో ఎక్కువ నీరు తీసుకుంటే, ఆహారం జీర్ణం కావడానికి ఎక్కువ జాప్యం కావొచ్చు.

3. ఆరోగ్య పరిస్థితులు: ఆయుర్వేదం ప్రకారం, ఎక్కువ నీరు తాగడం వల్ల ప్రమాదకరమైన విషాలు ఉత్పత్తి అవుతాయి. తద్వారా జీర్ణాశయంలో గ్యాస్ పెరుగుతుంది. జీర్ణకోశ సంబంధిత ఇబ్బందులు ఏర్పడవచ్చు. ఇది కఫం లేదా పిత్త దోషాల అసమతుల్యతను కలిగించవచ్చు.

ఆహారంతో పాటుగా నీరు తాగడాన్ని సైన్స్ ఎలా చూస్తుంది:

ఆహారంతో పాటుగా నీరు తాగడం ఎక్కువగా హానికరంగా భావించరు. వాస్తవానికి, అది జీర్ణశక్తికి మేలు చేస్తుంది.

1. జీర్ణశక్తి సహాయం చేసే నీరు: నీరు ఆహారాన్ని బ్రేక్ డౌన్ చేసి, శరీరానికి పోషకాలను, ఆమ్లత ఎంజైమ్స్‌ను అందిస్తుంది. ఇది ఆహారాన్ని మృదువుగా చేసి, జీర్ణక్రియకు సిద్ధం చేస్తుంది.

2. హైడ్రేషన్ ఎంజైమ్స్: సరైన హైడ్రేషన్ కారణంగా జీర్ణరసాల్లో ఉండే ఎంజైమ్స్ సమర్ధంగా పనిచేస్తాయి. ఎంజైమ్స్ ఆహారాన్ని పోషకాలు అందుకునేలా విడదీస్తాయి. అందుకే హైడ్రేటెడ్ ఉండటం చాలా ముఖ్యం.

3. జీర్ణక్రియకు తోడ్పడే యాసిడ్‌లు: జీర్ణాశయంలోని ఉండే యాసిడ్లు ఆహారాన్ని విడగొట్టేందుకు ఉపయోగపడుతుంది. ఈ యాసిడ్లు సరైన మోతాదు దాటితే కడుపులో ఎసిడిటీ సమస్య పెరిగిపోతుంది. అలా జరగకుండా ఉండాలంటే ఆహారం తీసుకునే సమయంలో కొద్ది మొత్తంలో మాత్రమే నీరు తీసుకోవాలి. ఈ విధంగా తీసుకోవడం వల్ల జీర్ణరసాల్లో నీరు కలిసిపోయి జీర్ణక్రియను వేగవంతం చేస్తుంది. ఒకవేళ ఎక్కువ నీరు తాగితే అది అరుగుదలను ఆలస్యం చేయవచ్చు.

4. సెలైవా ఉత్పత్తికి, మింగుడు పడటానికి: ఆహారంతో నీరు తాగడం ద్వారా త్వరగా మింగగలం. గొంతు పొడిబారి ఉన్న సమయంలో నీరు తాగడం వల్ల ఆహార నాళంలో ఎటువంటి ఇబ్బంది లేకుండానే జీర్ణాశయానికి ఆహారం చేరుకుంటుంది

ఆయుర్వేదానికి సైన్స్‌కు మధ్య తేడాలు:

1. జీర్ణాశయ అగ్ని (Agni) vs. ఎంజైమికల్ జీర్ణక్రియ: ఆయుర్వేదం ప్రకారం, జీర్ణాశయ అగ్ని అనేది ఆహారాన్ని జీర్ణం చేయడానికి ఉపయోగపడే ముఖ్యమైన శక్తి. సైన్స్ బట్టి చూస్తే, జీర్ణక్రియ అనేది జీర్ణ ఎంజైమ్స్ ఆమ్లం క్రియ. ఆయుర్వేదం దృష్టికోణంలో, నీరు ఎక్కువగా తాగడం వల్ల జీర్ణశక్తికి ఇబ్బందిగా మారుతుందని భావిస్తారు, కానీ సైన్స్ పరంగా సహాయపడుతుందని పరిగణిస్తారు.

2. సమయము: ఆయుర్వేదం ప్రకారం, 30 నిమిషాల ముందు నీరు తాగాలని, లేదా ఆహారం తిన్న కనీసం 1 గంట తరువాత నీరు తాగాలని సూచిస్తుంది. సైన్స్ పరంగా, ఆహారంతో నీరు తాగడం ప్రమాదకరమని ఎక్కడా చెప్పలేదు. కానీ ఎక్కువ నీరు తాగితే కడుపు ఉబ్బరంగా మారి వాంతులు అయ్యే అవకాశం ఉంది.

మీ శరీరతత్వాన్ని అర్థం చేసుకుని ఆహారంతో నీరు తాగడం వల్ల వచ్చే అనుభూతిని తెలుసుకోవచ్చు. కొందరిలో ఊపిరి తీసుకోవడం లేదా పొత్తికడుపు దగ్గర నొప్పిగా అనిపించవచ్చు. మీరు మీ శరీరాన్ని గమనించి, మీకు సరిపోయే విధంగా నీరు తాగడం ఉత్తమం.