తొలిసారి జరిగిన ఖో ఖో ప్రపంచకప్ టోర్నీలో ఇండియా జట్లు అద్బుతం చేశాయి. భారత పురుషుల, మహిళల జట్లు విశ్వవిజేతలుగా నిలిచాయి. ఫస్ట్ వరల్డ్ కప్ టోర్నీలో టైటిల్స్  కైవసం చేసుకున్నాయి. నేడు (జనవరి 19) న్యూఢిల్లీలోని ఇందిరా గాంధీ స్టేడియం వేదికగా జరిగిన ఖో ఖో ప్రపంచకప్ 2025 తుదిపోరులో ఇండియా టీమ్‍లు సత్తాచాటాయి. ఫైనల్‍లో నేపాల్‍పై భారత మహిళ జట్టు 78-40 తేడాతో భారీ విజయం సాధించింది. తొలి ప్రపంచకప్ ట్రోఫీ దక్కించుకుంది. పూర్తి ఆధిపత్యంతో సత్తాచాటారు భారత ప్లేయర్లు.

భారత పురుషుల జట్టు కూడా ఫైనల్‍లో నేపాల్‍పై 54-36 తేడాతో గెలిచి టైటిల్ సాధించింది. తుదిపోరులో పూర్తి ఆధిపత్యం ప్రదర్శించిన ఇండియా ఫస్ట్ ప్రపంచకప్ విజేతగా నిలిచింది. భారత పల్లె క్రీడ విశ్వవ్యాప్తం అయింది. ఈ ఖో ఖో ప్రపంచకప్ పురుషుల విభాగంలో 39 దేశాలు తలపడ్డాయి. చివరికి భారత్, నేపాల్ ఫైనల్ చేరాయి. తుదిపోరులోనూ భారత ప్లేయర్లు తిరుగులేని వ్యూహం పాటించి.. అదిరే ఆటతో అదరగొట్టటంతో టైటిల్ కైవసం అయింది.