తల్లిదండ్రుల వలస స్థితితో సంబంధం లేకుండా అమెరికాలో జన్మించిన పిల్లలకు పౌరసత్వాన్ని హామీ ఇచ్చే దశాబ్దాల నాటి జనన హక్కు పౌరసత్వ విధానాన్ని అధ్యక్షుడు డొనాల్డ్ ట్రంప్ రద్దు చేయకుండా నిరోధించడానికి పలు రాష్ట్రాల అటార్నీ జనరల్‌లు మంగళవారం దావా వేశారు.

దాదాపు 700 పదాలతో సోమవారం జారీ అయిన ట్రంప్ కార్యనిర్వాహక ఉత్తర్వు ఎన్నికల హామీని నెరవేరుస్తుంది. అయితే, దాని ఫలితం అనిశ్చితంగా ఉంది. వలస విధానాలపై సుదీర్ఘ చట్టపరమైన పోరాటానికి తెరలేపింది.

జనన హక్కు పౌరసత్వం అనేది దశాబ్దాలుగా స్థిరపడిన చట్టం అని, అధ్యక్షులకు విస్తృత అధికారం ఉన్నప్పటికీ, వారు రాజులు కాదని డెమోక్రాటిక్ అటార్నీ జనరల్‌లు, వలస హక్కుల రక్షణకు పని చేస్తున్న న్యాయవాదులు చెబుతున్నారు.

“అధ్యక్షుడు కలంతో 14వ సవరణను ఉనికి నుండి తొలగించలేరు” అని న్యూజెర్సీ అటార్నీ జనరల్ మాట్ ప్లాట్కిన్ అన్నారు. అయితే కోర్టులో ఎదుర్కోవడానికి తాము సిద్ధంగా ఉన్నామని వైట్ హౌస్ పేర్కొంది. ఈ దావాలను “వామపక్ష ప్రతిఘటనకు పొడిగింపు తప్ప మరొకటి కాదు” అని అభివర్ణించింది

జనన హక్కు పౌరసత్వం అంటే ఏమిటి?

జనన హక్కు పౌరసత్వం అమెరికన్ నేలపై జన్మించిన ఎవరికైనా, వారి తల్లిదండ్రుల వలస స్థితితో సంబంధం లేకుండా అమెరికా పౌరసత్వాన్ని ఇస్తుంది. దీని అర్థం, ఉదాహరణకు, పర్యాటక వీసాపై ఉన్న తల్లిదండ్రులకు అయినా లేదా అక్రమంగా దేశంలో ఉన్నవారికి జన్మించిన పిల్లలను అయినా ఇప్పటికీ అమెరికా పౌరులుగా పరిగణించవచ్చు.

ఈ విధానం దశాబ్దాలుగా అమలులో ఉంది. రాజ్యాంగంలోని 14వ సవరణ దీనికి రక్షణ ఇస్తోంది. అయితే, ట్రంప్, అతని మిత్రులు ఈ వివరణను సవాలు చేస్తూ, పౌరసత్వానికి కఠినమైన ఆంక్షలు అవసరమని వాదిస్తున్నారు.

ట్రంప్ ఉత్తర్వు ఏమి చెబుతోంది?

USలో జన్మించిన ఎవరికైనా 14వ సవరణ పరిధిలో స్వయంచాలకంగా పౌరసత్వం ఇవ్వడాన్ని ఈ ఉత్తర్వు సవాలు చేస్తుంది. 1868లో అంతర్యుద్ధం తర్వాత ఆమోదం పొందిన 14వ సవరణ ఇలా చెబుతోంది: “యునైటెడ్ స్టేట్స్‌లో జన్మించిన లేదా దాని అధికార పరిధికి లోబడి ఉన్న వ్యక్తులందరూ యునైటెడ్ స్టేట్స్, వారు నివసిస్తున్న రాష్ట్రాల పౌరులు.”

అక్రమంగా USలో ఉన్న తల్లులకు లేదా US పౌరులు కాని లేదా చట్టబద్ధమైన శాశ్వత నివాసితులు కాని తండ్రులకు జన్మించిన వ్యక్తులకు జన్మత: పౌరసత్వాన్ని ఇవ్వడాన్ని ట్రంప్ ఉత్తర్వు తిరస్కరిస్తుంది. ఈ నిరాకరణ తాత్కాలికంగా USలో ఉన్న తల్లులకు జన్మించిన పిల్లలకు, పౌరులు కాని తండ్రులకు జన్మించిన పిల్లలను కూడా వర్తిస్తుంది. ఈ వర్గాలలోని వ్యక్తులకు పౌరసత్వాన్ని గుర్తించకుండా ఫెడరల్ ఏజెన్సీలను ఈ ఉత్తర్వు నిరోధిస్తుంది. మంగళవారం నుంచి 30 రోజులకు అంటే ఫిబ్రవరి 19న అమలులోకి వస్తుంది.

ట్రంప్ ఉత్తర్వుకు ఎలాంటి స్పందన వచ్చింది?

ట్రంప్ ఉత్తర్వును అడ్డుకునేందుకు డిస్ట్రిక్ట్ ఆఫ్ కొలంబియా, శాన్ ఫ్రాన్సిస్కోతో పాటు పద్దెనిమిది రాష్ట్రాలు ఫెడరల్ కోర్టులో దావా వేశాయి.

న్యూజెర్సీ డెమోక్రాటిక్ అటార్నీ జనరల్ మాట్ ప్లాట్కిన్ మంగళవారం అధ్యక్షులకు విస్తృత అధికారాలు ఉన్నప్పటికీ, వారు రాజులు కాదని అన్నారు. “అధ్యక్షుడు కలంతో 14వ సవరణను తొలగించలేరు” అని ఆయన అన్నారు.

కనెక్టికట్ అటార్నీ జనరల్ విలియం టాంగ్, ఈ పదవిని నిర్వహించిన మొదటి చైనీస్ అమెరికన్. జనన హక్కు ద్వారా US పౌరుడు, ఈ దావా తనకు వ్యక్తిగతమైనదని పేర్కొన్నారు.

న్యూజెర్సీ, కాలిఫోర్నియా, మసాచుసెట్స్, కొలరాడో, కనెక్టికట్, డెలావేర్, హవాయి, మైనే, మేరీల్యాండ్, మిషిగాన్, మిన్నెసోటా, నెవాడా, న్యూ మెక్సికో, న్యూయార్క్, నార్త్ కరోలినా, రోడ్ ఐలాండ్, వెర్మోంట్, విస్కాన్సిన్ కూడా ఈ ఉత్తర్వును అడ్డుకునేందుకు దావాలో చేరాయి. (AP ఇన్‌పుట్స్‌తో)