Best Web Hosting Provider In India 2024
మంగళగిరి: చంద్రబాబుపై నమోదైన కేసుల్లో తీవ్రత ఉంది కాబట్టే ఆయనకు బెయిల్‌ రావడం లేదని హోం శాఖ మంత్రి తానేటి వనిత స్పష్టంచేశారు. సీఐడీ విచారణకు చంద్రబాబు సహకరించాలని.. అప్పుడే నిజాలు బయటకు వస్తాయని తెలిపారు. మంగళగిరిలోని ఆరో ఏపీ ఎస్పీ బెటాలియన్‌లో మంగళవారం జరిగిన జాగిలాల ప్రదర్శనకు ఆమె ముఖ్య అతిథిగా హాజరయ్యారు. హోంమంత్రి మాట్లాడుతూ.. కక్షతోనే చంద్రబాబును అరెస్ట్‌ చేశారని చెబుతున్న ఆయన కుటుంబ సభ్యులు, టీడీపీ నేతలు.. బాబు తప్పు చేయలేదని చెప్పలేకపోతున్నారని గుర్తు చేశారు.
