తల్లిదండ్రులు అవుతున్నారనే విషయమే జీవితంలో అత్యంత సంతోషకరమైన సందర్భం. మొదటిసారి తల్లిదండ్రులు అవుతున్నారంటే అది చాలా ఎగ్జైటింగ్‌గానూ, కుతూహలంగానూ అనిపిస్తుంది. ఆ ఫీలింగ్ మొత్తాన్ని తొలిసారి పుట్టిన సంతానంపై చూపించేస్తాం. అలా కొన్నేళ్ల పాటు పెరిగిన తర్వాత ఇంటికి రెండో సంతానం వస్తుందంటే, ఎలా ఉంటుంది? మనం చూపించాల్సిన ప్రేమ కూడా ఇద్దరికీ షేర్ చేయాల్సి ఉంటుంది. దానిని అప్పటిదాకా తమ చుట్టూనే అమ్మానాన్న ఉంటారని భావించిన ఫస్ట్ బేబీ ఈ విషయాన్ని ఎలా తీసుకోగలరనే విషయాన్ని పరిశీలిద్దాం.

తనకు తోబుట్టువు రాబోతున్నారనే ఆనందం చిన్నారుల్లో కచ్చితంగా ఉంటుంది. ఆ తర్వాత రెండో బిడ్డతో కలిసి విషయాలను పంచుకోవడంలో కాస్త ఆందోళన చెందుతుంటారు. ఇంకా గారాభం మొత్తాన్ని చివరి సంతానంపై చూపిస్తుంటే, బాధ్యతాయుతమైన తోబుట్టువు పెద్ద బిడ్డ వ్యవహరించాల్సి ఉంటుంది. అటువంటి సందర్భాలను వారికి సంతోషకరంగా మార్చాలంటే, ఇలా చేయండి.

1. ముందుగానే సిద్ధం చేయండి

గర్భధారణ ప్రారంభంలోనే తమ జీవితాల్లో రాబోయే మార్పుల గురించి ముందుగానే స్పష్టమైన చర్చలు చేసుకోవడం ద్వారా బంధాలపై క్లారిటీ తెచ్చుకోవచ్చు. పిల్లలకు ముందుగానే ఈ విషయం గురించి ఆలోచించుకోవడానికి కాస్త సమయం ఇవ్వాలి. వయస్సుకు తగిన సంభాషణలలో పిల్లలు పార్టిసిపేట్ అయ్చేలా చేయడం, సందేహాలు అడగమని ప్రోత్సహించడం, తార్కిక సమాధానాలతో సిద్ధంగా ఉండటం ముఖ్యం. ఇలా చేయడం వల్ల పిల్లలకి అవసరమైన ప్రేమ, మద్దతు అంతా అందుతూనే ఉంటుందని తల్లిదండ్రులు నొక్కి చెప్పాలి.

2. అంచనాలను నిర్దేశించడం

పైన చెప్పినట్లుగా, ప్రేమ, ఆప్యాయత గురించి భరోసా ఇవ్వడం మంచిదే అయినప్పటికీ, తల్లిదండ్రులు పెద్ద తోబుట్టువుకు వస్తువులను పంచుకోవడం, రెండో సంతానమైన చిన్న శిశువుపై ఎందుకు ఎక్కువ శ్రద్ధ చూపాల్సి ఉంటుందో వివరించడం వంటి విషయాల గురించి మాట్లాడాలి. ఇలా చెప్పి వారిని మానసికంగా ముందుగానే సిద్ధం చేయాలి. ఇది పెద్ద తోబుట్టువు అభద్రతాభావం లేదా అసంతృప్తి చెందే అవకాశాలను తగ్గిస్తుంది.

నవజాత శిశువు కోసం కీలకమైన సన్నాహాలలో పెద్ద తోబుట్టువు కూడా పాల్గొనాలి. శిశువుల కోసం ఒక మంచం లేదా ఊయల, బట్టలు ఎంచుకోవడానికి వారికి కూడా ఛాయీస్ ఇవ్వడం కూడా ఇందులో ఉంటుంది. అంతేకాకుండా, అప్పుడప్పుడు అసూయ లేదా అనిశ్చితి భావాలు పిల్లలకు సాధారణమని తల్లిదండ్రులు అర్థం చేసుకోవాలి. పరిస్థితి క్లిష్టంగా ఉన్నప్పుడు మద్దతు, భరోసా ఇవ్వడం ద్వారా పిల్లలు తమ భావోద్వేగాలను వ్యక్తీకరించడానికి ఒక ఏర్పాటు చేయడం ముఖ్యం.

3. తోబుట్టువుల గురించిన పుస్తకాలు లేదా కథలు

పిల్లలు కథలను ఇష్టపడతారు. అందుకోసం తోబుట్టువుల గురించి ఉన్న పుస్తకాలను చదవడం, అందులో ఉన్న కథలను చదివి వినిపించడం ద్వారా వాళ్లలో తోబుట్టువుపై మమకారం పెరుగుతుంది. సహకారం వంటి కీలక భావనలను అర్థం చేసుకోవడానికి, నవజాత శిశువు ఇంటికి రాకముందే బంధాన్ని ఏర్పరచుకోవడానికి సహాయపడుతుంది. తల్లిదండ్రులు ఈ కథల నుండి కీలకమైన విషయాల గురించి తమ పిల్లలతో మాట్లాడాలి. వాటి నుంచి ఏవైనా ముఖ్యమైన ప్రశ్నలు లేదా ఆందోళనల గురించి ప్రశ్నలు అడిగి సమాధానాలు ఇవ్వాలి.

4. నవజాత శిశువును స్వాగతించడం

నవజాత శిశువుతో దీర్ఘకాలిక బంధాన్ని ఏర్పరచుకోవడానికి, తల్లిదండ్రులు తమ పిల్లలు కొత్త తోబుట్టువును చాలా త్వరగా కలవగలరని నిర్ధారించుకోవాలి. జాగ్రత్తగా చూస్తూ శిశువుతో సంభాషించమని ప్రోత్సహించాలి. ఆహారం, సానుకూల పరస్పర చర్యలు, సున్నితమైన సంజ్ఞల కోసం ప్రశంసలు, అప్పుడప్పుడు బహుమతులను అందించాలి.

శిశువు కోసం చిన్న చిన్న పనులు చేయడంలో తోబుట్టువులను భాగస్వామ్యం చేయండి. డైపర్‌లను తీసుకురావడం, జోలపాటలు పాడటం లేదా స్నాన సమయంలో సహాయం చేయడం వంటి బంధం కార్యకలాపాలను సులభతరం చేయడం ద్వారా వారికి బాధ్యతగా అనిపించేలా చేయండి. ఇది తోబుట్టువుల బంధాన్ని బలోపేతం చేయడానికి, బాధ్యత సృష్టించడంలో సహాయపడుతుంది.

5. ఒక దినచర్యను ఏర్పాటు చేయడం

ప్రారంభ రోజులలో, ఆకస్మిక మార్పులు ఆందోళనకు దారితీయవచ్చు కాబట్టి, పిల్లల దినచర్యను మునుపటిలాగే కొనసాగించడం ఉత్తమం. స్థిరత్వం, ఊహించదగిన చర్యలు పిల్లలకి భద్రతను కలిగిస్తాయని తల్లిదండ్రులు గ్రహించాలి. తల్లిదండ్రులు, ఇతర సంరక్షకులు పిల్లల ఆసక్తులు, ప్రాధాన్యతలను బట్టి ప్రత్యేక కార్యకలాపాలు లేదా విహారయాత్రలను ప్లాన్ చేయడం ద్వారా పెద్ద పిల్లలతో సమయం గడపాలి.

పిల్లలు కొత్త పాత్రకు అనుగుణంగా మారేటప్పుడు తల్లిదండ్రులు ఓపికగా, సాానుభూతితో ఉండాలి. కుటుంబాలన్నీ ఒకేలా ఉండవు. అటువంటి సమయంలో పరిష్కారాలు కూడా ఒకేలా అనిపించవు. అటువంటి సమయంలో సమస్య కోణాన్ని గుర్తించడం, దాని పరిష్కారం దిశగా ఆలోచిస్తే తోబుట్టువుల మద్య ఆరోగ్యకరమైన, దృఢమైన సంబంధానికి పునాది ఏర్పడుతుంది.