Pushpa 2 OTT Release Date: అల్లు అర్జున్ బ్లాక్‌బస్టర్ మూవీ పుష్ప 2 ఓటీటీలోకి ఎప్పుడు వస్తుందా అని ఎదురు చూస్తున్న అభిమానులకు గుడ్ న్యూస్. ఈ వారమే ఈ మూవీ డిజిటల్ ప్రీమియర్ కానుంది. థియేటర్లలో రిలీజైన 56 రోజుల తర్వాత మూవీని ఓటీటీలోకి తీసుకురావాలన్న ఒప్పందం కారణంగా ఆలస్యమైన ఈ సినిమా.. రీలోడెడ్ వెర్షన్ తో అలరించడానికి సిద్ధమవుతోంది.

పుష్ప 2 ఓటీటీ రిలీజ్ డేట్

అల్లు అర్జున్, రష్మిక మందన్నా నటించిన పుష్ప 2 మూవీ వచ్చే గురువారం (జనవరి 30) నుంచి స్ట్రీమింగ్ కానున్నట్లు నెట్‌ఫ్లిక్స్ వెల్లడించింది. ప్రపంచవ్యాప్తంగా రూ.1800 కోట్లకుపైగా వసూలు చేసిన ఈ బ్లాక్‌బస్టర్ మూవీ రీలోడెడ్ వెర్షన్ ను స్ట్రీమింగ్ చేస్తున్నట్లు కూడా చెప్పింది. జనవరి 17 నుంచి ఈ రీలోడెడ్ వెర్షన్ థియేటర్లలోకి వచ్చిన విషయం తెలిసిందే.

అంటే 3 గంటల 44 నిమిషాల నిడివి ఉన్న ఇదే వెర్షన్ ఇప్పుడు నెట్‌ఫ్లిక్స్ లోకి రానుంది. మేకర్స్ ముందుగానే చేసుకున్న ఒప్పందం ప్రకారం థియేటర్లలో రిలీజైన డిసెంబర్ 5 నుంచి 56 రోజుల తర్వాతే ఈ సినిమాను ఓటీటీలోకి తీసుకురావాలి. దీంతో ఆ గడువు ముగిసిన మరుసటి రోజే సినిమాను స్ట్రీమింగ్ చేయబోతోంది నెట్‌ఫ్లిక్స్.

పుష్ప 2 ఓటీటీ హక్కులు

పుష్ప 2 ఓటీటీ హక్కుల కోసం నెట్‌ఫ్లిక్స్ పెద్ద మొత్తమే చెల్లించాల్సి వచ్చింది. పుష్ప మూవీ డిజిటల్ హక్కులను అమెజాన్ ప్రైమ్ వీడియో దక్కించుకోగా.. సీక్వెల్ హక్కులు మాత్రం నెట్‌ఫ్లిక్స్ కు దక్కాయి. ఈ సినిమా కోసం ఆ ప్లాట్‌ఫామ్ ఏకంగా రూ.275 కోట్లు చెల్లించడం విశేషం. ఇండియాలో డిజిటల్ హక్కుల కోసం అత్యధిక మొత్తం పలికిన సినిమాల్లో ఒకటిగా పుష్ప 2 నిలిచింది.

థియేటర్లలో ఈ సినిమాకు అదిరిపోయే రెస్పాన్స్ రావడంతో.. ఇప్పుడు ఓటీటీలోనూ అదే దూకుడు ప్రదర్శిస్తుందని భావిస్తున్నారు. గురువారం (జనవరి 30) నుంచి రీలోడెడ్ వెర్షన్ అంటే 3 గంటల 44 నిమిషాల నిడివి ఉన్న పుష్ప 2: ది రూల్ మూవీని నెట్‌ఫ్లిక్స్ లో చూసేందుకు సిద్ధంగా ఉండండి.

పుష్ప 2 రికార్డులు

రిలీజైనప్పటి నుంచి పుష్ప 2 మూవీ ఏదో ఒక రికార్డు బ్రేక్ చేస్తూనే ఉంది. తెలుగు రాష్ట్రాల్లో ఓ సింగిల్ స్క్రీన్‍ థియేటర్‌లో అత్యధిక కలెక్షన్లు దక్కించుకున్న చిత్రంగా పుష్ప 2 చిత్రం రికార్డు దక్కించుకుంది. హైదరాబాద్‍లోని సంధ్య 70ఎంఎం థియేటర్లో 51 రోజుల్లో పుష్ప 2 చిత్రానికి 206 షోలు పడ్డాయని, రూ.1,89,75,880 గ్రాస్ కలెక్షన్లు దక్కాయని మూవీ టీమ్ ఈ మధ్యే పోస్టర్ రిలీజ్ చేసింది.

పుష్ప 2 సినిమా ఇప్పటికే చాలా రికార్డులు సృష్టించింది. హిందీలో రూ.800కోట్ల నెట్ కలెక్షన్లను దక్కించుకుంది. బాలీవుడ్‍లో ఆల్‍టైమ్ రికార్డును సృష్టించింది. ఏ బాలీవుడ్ హీరోకు ఇప్పటి వరకు సాధ్యం కాని రూ.700కోట్లు, రూ.800కోట్ల హిందీ నెట్ వసూళ్ల మార్కును అల్లు అర్జున్ సాధించారు. ఈ సినిమా ఇప్పటికే రూ.1,830 కోట్ల గ్రాస్ మార్క్ దాటింది. దీంతో బాహుబలి 2, ఆర్ఆర్ఆర్ చిత్రాలను దాటేసి.. ఇండియాలో అత్యధిక వసూళ్లు దక్కించుకున్న చిత్రంగా నిలిచింది. దంగల్ తర్వాత అత్యధిక గ్రాస్ కలెక్షన్లు సాధించిన ఇండియన్ మూవీగా పుష్ప 2 నిలిచింది. మరిన్ని రికార్డులను కూడా సృష్టించింది.