వార్తాపత్రిక చదివిన తరువాత, దానిని కొన్ని రోజుల పాటూ ఇంట్లో ఉంచుతారు. అవి ఎక్కువగా నిల్వ అయ్యాక ఒకేసారి అమ్మేయడం లేదా కాల్చేయడం వంటివి చేస్తూ ఉంటారు. అలా చేయడం కన్నా నిల్వ చేయడానికి ఒక ప్రదేశంలో ఉంచుతారు. ఆ తర్వాత వాటిని పెద్ద మొత్తంలో సేకరించినప్పుడు వాటిని చెత్తలో వేసి విక్రయిస్తారు. కానీ పాత వార్తాపత్రికను అనేక విధాలుగా ఉపయోగించవచ్చని మీకు తెలుసా? పాత వార్తాపత్రికను వివిధ ఇంటి పనులలో ఉపయోగించవచ్చు. దీన్ని వంటగదిని శుభ్రం చేయడానికి ఉపయోగించవచ్చు. మీరు పాత వార్తాపత్రికలను ఎన్ని రకాలుగా ఉపయోగించవచ్చో తెలుసుకోండి.

కిచెన్ క్లీనింగ్

క్యాబినెట్లు తరచుగా మురికిగా, జిడ్డుగా మారిపోతాయి. దుమ్ము ధూళి పేరుకుపోతుంది. మన ఆరోగ్యం కోసం వంటగది పరిశుభ్రంగా ఉంచుకోవాల్సిన అవసరం ఉంది. కాబట్టి ఎప్పటికప్పుడు దీన్ని శుభ్రపరచుకోవాల్సిన అవసరం ఉంది. కిచెన్ క్యాబినెట్ లో జిడ్డు పడకుండా ఉండటానికి మీరు వాటిలో వార్తాపత్రికలను ఉంచవచ్చు. ఇలా చేయడం వల్ల క్యాబినెట్ పై మరకలను నివారించవచ్చు.

కిటికీలను శుభ్రం చేయండి

కిటికీలను శుభ్రం చేయడానికి వార్తాపత్రికను ఉపయోగించవచ్చు. మరకలను నివారించడానికి ఇది వస్త్రం కంటే మెరుగ్గా పనిచేస్తుంది. మురికి కిటికీలకు వెనిగర్, నీరు కలిపిన ద్రావణాన్ని చల్లండి. తరువాత వార్తాపత్రికతో శుభ్రం చేస్తే త్వరగా ఆ మురికి పోతుంది.

గాజు గ్లాసులను శుభ్రం చేయడానికి కూడా మీరు వార్తాపత్రికలను ఉపయోగించవచ్చు. ఇందుకోసం ముందుగా వార్తాపత్రికపై క్లీనింగ్ స్ప్రే చల్లి, ఆ తర్వాత గ్లాసును వార్తాపత్రికతో శుభ్రం చేయాలి. ఇలా వాడడం వల్ల వార్తాపత్రకలు వేస్టుగా పడేసిన ఫీలింగ్ రాదు.

ఆకుకూరలు ఫ్రిజ్ లో పెట్టినా కూడా చాలా త్వరగా చెడిపోవడం ప్రారంభిస్తాయి. అటువంటి పరిస్థితిలో, మీరు పాత వార్తాపత్రికలను ఎక్కువ కాలం తాజాగా ఉంచడానికి ఉపయోగించవచ్చు. ఇందుకోసం ఆకులను శుభ్రమైన నీటితో కడిగి ఆరబెట్టి తర్వాత వాటిని వార్తాపత్రికలో చుట్టాలి. ఇలా చేయడం వల్ల అవి ఎక్కువ కాలం పాటూ తాజాగా ఉంటాయి.

కత్తికి పదును పెట్టేందుకు

వార్తాపత్రికతో కత్తికి పదును పెట్టడం మంచి టెక్నిక్. దీని కోసం, కత్తిని వార్తాపత్రికపై చదునుగా ఉంచి, దానిలో చుట్టండి. ఇప్పుడు కత్తిని సున్నితంగా రుద్దండి. ఇలా పలుమార్లు చేసిన తర్వాత కత్తిని కడిగి వాడాలి. కత్తిని పదును పెట్టేందుకు ఇది చాలా సులభమైన పద్ధతి.

(గమనిక: అధ్యయనాలు, హెల్త్ జర్నల్స్ నుంచి సేకరించిన సమాచారాన్ని మీ కోసం ఇక్కడ అందిస్తున్నాం. ఇది కేవలం సమాచారం మాత్రమే. ఇది వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి సందేహాలుంటే వెంటనే వైద్యులను సంప్రదించండి.)