బరువు పెరగడం అనేది ఇప్పుడు పెద్ద సమస్యగా మారిపోయింది. అధిక బరువు అనేక రకాల వ్యాధులకు కూడా కారణం అవుతోంది. అందుకే ఎత్తుకు తగ్గ బరువు ఉండేలా జాగ్రత్తపడాలి. అధిక బరువు, ఊబకాయం అనేవి అనేక రోగాలకు కారణం అవుతాయి. గుండె జబ్బులు, మధుమేహం వంటి రోగాలు వచ్చే అవకాశం ఉంది. ఇక్కడ డైటీషియన్ బరువు తగ్గేందుకు ఉపయోగపడే సూప్ రెసిపీని నెటిజన్లకు వివరించారు.

పనీర్ తో పాటు అన్నిరకాల ఆరోగ్యకరమైన కూరగాయలతో సూప్ చేసుకుని తినడం ద్వారా శరీరంలోని కొవ్వును తగ్గించుకోవచ్చని సంప్రదాయ హోం రెమెడీస్ లో నమ్ముతారు.

సూప్ రెసిపీ

1.4 మిలియన్లకు పైగా యూట్యూబ్ సబ్ స్క్రైబర్స్ ఉన్న డైటీషియన్ నటాషా మోహన్ ఇటీవల ఇన్ స్టాగ్రామ్ లో ‘డిన్నర్ రెసిపీ’ని పోస్ట్ చేశారు. ఈ సూప్ వల్ల బరువు తగ్గవచ్చని ఆమె వివరిస్తున్నారు.

ఈ వీడియోలో పనీర్ క్యూబ్స్ ను, క్యారెట్, గ్రీన్ బీన్స్, బచ్చలికూర, పుట్టగొడుగులు వంటి కూరగాయలతో పాటు తరిగిన వెల్లుల్లి, ఓట్స్, నీరు కలిపి ఈ సూప్ తయారుచేశారు. ఈ సూప్ లో సోయా సాస్, తాజా కొత్తిమీర ఆకులను కూడా జోడించి ఎంతో రుచిగా దీని వండవచ్చు.

డిన్నర్ కోసం ఈ సూప్ తయారుచేసుకుని తింటే ఆరోగ్యానికి ఎంతో మంచిది. మీకు తక్కువ సమయంలో బరువు తగ్గడానికి ఇది సహాయపడుతుంది. ఆరోగ్యకరమైన సూప్ వంటకాలతో మాత్రమే వేగంగా బరువు తగ్గడం అసాధ్యం కాదు, కొన్ని వ్యాయామాలు కూడా చేయాల్సి ఉంటుంది. కొవ్వు పట్టే ఆహారాలు తినడం తగ్గించాలి.

గ్రేటర్ నోయిడాలోని యథార్థ్ హాస్పిటల్ న్యూట్రిషన్ అండ్ హెల్త్ విభాగాధిపతి డాక్టర్ కిరణ్ సోని, బరువు తగ్గడానికి సూప్ రెసిపీ ప్రభావవంతంగా పనిచేస్తుందని, సురక్షితం కూడా అని వెల్లడించారు.

ఒక వ్యక్తి బరువు సుమారు 90-100 కిలోలు ఉంటే, వేగంగా బరువు తగ్గడం సాధ్యమే. వారి శరీరంలోని నీరు త్వరగా కరిగిపోతుంది. కానీ ఒక వ్యక్తి 70 కిలోల బరువు ఉండి, రాత్రి భోజనానికి సూప్ తినడం వల్ల మాత్రం బరువు తగ్గడం నెమ్మదిగా మారుతుంది. కాబట్టి కొవ్వు అధికంగా ఉండే ఆహారాలు తినడం మానేసి, నడక వంటి వ్యాయామాలు చేస్తూ ఇక్కడిచ్చిన సూప్ తాగడం వల్ల 3 కిలోలు తగ్గవచ్చు. బరువు తగ్గడం అనేది బరువు, ఎత్తు, జీవక్రియ రేటుపై ఆధారపడి ఉంటుంది. స్థూలకాయం ఉన్నవారితో పోలిస్తే ఎక్కువ కండరాలు ఉన్నవారు వేగంగా బరువు తగ్గవచ్చు.

కేలరీల తీసుకోవడం తగ్గించడం ద్వారా, వేగంగా బరువు తగ్గవచ్చని డాక్టర్ కిరణ్ సోనీ తెలిపారు.ఇది కాకుండా రాత్రి భోజనం రాత్రి 7 గంటలకే పూర్తి చేయాలి. ఈ సూప్ ను రాత్రి పూట భోజనానికి బదులు తింటే బరువు త్వరగా తగ్గవచ్చు. బరువు తగ్గడం కష్టమైన ప్రయాణం కావచ్చు, కానీ ప్రారంభిస్తేనే ఎంతో కొంత ఫలితం కనిపిస్తుంది.

బరువు తగ్గేందుకు సమతులాహారం తీసుకోవాలి. పండ్లు, కూరగాయలు, తృణధాన్యాలు, సన్నని ప్రోటీన్లు, ఆరోగ్యకరమైన కొవ్వులు ఉండే ఆహారాన్ని తీసుకోవాలి. ఒకేసారి అతిగా తినకుండా రోజులో కొంచెం కొంచెం ఆహారం తినడం అలవాటు చేసుకోవాలి. చక్కెర నిండిన ఆహారాలు, ఫాస్ట్ ఫుడ్స్, అధిక కేలరీల పానీయాలు తీసుకోవడం తగ్గించండి.

(గమనిక: అధ్యయనాలు, హెల్త్ జర్నల్స్ నుంచి సేకరించిన సమాచారాన్ని మీ కోసం ఇక్కడ అందిస్తున్నాం. ఇది కేవలం సమాచారం మాత్రమే. ఇది వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి సందేహాలుంటే వెంటనే వైద్యులను సంప్రదించండి.)