OTT Comedy Movie: మలయాళం కామెడీ మూవీ స్వర్గం (Swargam) ఓటీటీలోకి వచ్చేస్తోంది. గతేడాది నవంబర్ 8న థియేటర్లలో రిలీజై పాజిటివ్ టాక్ సొంతం చేసుకున్న ఈ మూవీ.. సుమారు మూడు నెలల తర్వాత ఇప్పుడు ఓటీటీలోకి అడుగుపెడుతోంది. రెజిస్ ఆంటోనీ డైరెక్ట్ చేసిన ఈ సినిమాలో అజు వర్గీస్ లీడ్ రోల్ పోషించగా.. మరికొన్ని గంటల్లోనే సినిమా డిజిటల్ ప్రీమియర్ కానుంది.

స్వర్గం ఓటీటీ రిలీజ్ డేట్

మలయాళం ఇండస్ట్రీ నుంచి వచ్చిన రెండు సినిమాలు శుక్రవారం (జనవరి 31) ఓటీటీలోకి వస్తున్నాయి. అందులో ఒకటి ఐడెంటిటీ. ఈ సినిమా జీ5 ఓటీటీలో స్ట్రీమింగ్ కానుంది. ఇక మరొకటి ఈ స్వర్గం. ఈ డ్రామెడీ శుక్రవారం నుంచి సన్ నెక్ట్స్ ఓటీటీలో స్ట్రీమింగ్ కానుంది.

ఈ విషయాన్ని గురువారం (జనవరి 30) సాయంత్రం ఆ ఓటీటీ వెల్లడించింది. థియేటర్లలో రిలీజైన సుమారు మూడు నెలల తర్వాత వస్తుండటం విశేషం. ఈ స్వర్గం మూవీలో అజు వర్గీస్ తోపాటు జానీ ఆంటోనీ, అనన్య, మంజు పిళ్లై, సిజోయ్ వర్గీస్, వినీత్ తాటిల్, సజిన్ చెరుకాయిల్ లాంటి వాళ్లు కూడా నటించారు.

స్వర్గం మూవీ స్టోరీ ఏంటంటే?

స్వర్గం మూవీ కథ రెండు పొరుగునే ఉండే కుటుంబాల చుట్టూ తిరుగుతుంది. ఈ రెండు కుటుంబాల్లో ఒకటి దిగువ మధ్యతరగతికి చెందినది. వీళ్ల దగ్గర డబ్బు లేకపోయినా సుఖ సంతోషాలకు కొదవ ఉండదు. ఇక మరొకటి బాగా డబ్బున్న కుటుంబం.

అయితే అక్కడ మాత్రం అసలు మనశ్శాంతి, సంతోషం అనేవే ఉండవు. బయట ప్రపంచానికి మాత్రం ఆ సంపన్న కుటుంబం ఎంతో హాయిగా బతుకుతున్నట్లు కనిపిస్తున్నా.. నిజం మాత్రం మరోలా ఉంటుంది. ఈ రెండు కుటుంబాల్లోని రోజువారీ కష్టాలు, కన్నీళ్లు, ఎత్తుపల్లాలు, కుటుంబ బంధాలను ఈ స్వర్గం మూవీలో చూపించారు.

జీవితంలో ఎదురయ్యే సవాళ్లను కుటుంబ మద్దతుతో ఎలా అధిగమించవచ్చో ఇందులో చూడొచ్చు. రూ.4 కోట్ల అతి తక్కువ బడ్జెట్ తోనే మూవీని రూపొందించినా.. బాక్సాఫీస్ దగ్గర మాత్రం పెద్దగా వర్కౌట్ కాలేదు. మరి ఇప్పుడు సన్ నెక్ట్స్ లో స్ట్రీమింగ్ కానున్న ఈ సినిమాకు ఓటీటీలో ఎలాంటి రెస్పాన్స్ వస్తుందో చూడాలి.