Jyothi Rai: జ్యోతిరాయ్ కిల్ల‌ర్ మూవీ నుంచి రొమాంటిక్ పోస్ట‌ర్‌ను మేక‌ర్స్ రిలీజ్ చేశారు. సైన్స్ ఫిక్ష‌న్ థ్రిల్ల‌ర్‌గా తెర‌కెక్కుతోన్న ఈ మూవీకి పూర్వాజ్ ద‌ర్శ‌క‌త్వం వ‌హిస్తున్నాడు. అత‌డే ఈ మూవీతో హీరోగా టాలీవుడ్‌లోకి ఎంట్రీ ఇస్తోన్నాడు. జ్యోతిరాయ్ హీరోయిన్‌గా న‌టిస్తోన్న ఈ మూవీలో విశాల్ రాజ్‌, గౌత‌మ్ కీల‌క పాత్ర‌ల్లో క‌నిపిస్తోన్నారు.

ఆర్టిఫిషియల్ ఇంటెలిజెన్స్

ఆర్టిఫిషియల్ ఇంటెలిజెన్స్ బ్యాక్‌డ్రాప్‌లో రొమాంటిక్ రివేంజ్ థ్రిల్ల‌ర్‌గా కిల్ల‌ర్ మూవీ తెర‌కెక్కుతోంది. ఏఐ కాన్సెప్ట్‌తో తెలుగులో వ‌స్తోన్న తొలి మూవీ ఇద‌ని మేక‌ర్స్ చెబుతోన్నారు.

ఇందులో జ్యోతిరాయ్ కిల్ల‌ర్‌గా, మోడ్ర‌న్ గ‌ర్ల్‌గా డిఫ‌రెంట్ షేడ్స్‌తో కూడిన క్యారెక్ట‌ర్‌లో క‌నిపించ‌బోతున్న‌ట్లు ప్ర‌మోష‌న‌ల్ పోస్ట‌ర్స్ చూస్తుంటే తెలుస్తోంది. కిల్ల‌ర్ మూవీతోనే తెలుగులో హీరోయిన్‌గా జ్యోతిరాయ్ ఫ‌స్ట్ మూవీ. రియ‌ల్‌లైఫ్‌లో భార్యాభ‌ర్త‌లైన జ్యోతిరాయ్‌, సుకు పూర్వ‌జ్ రీల్ లైఫ్‌లో అదే క్యారెక్ట‌ర్స్‌లో క‌నిపించ‌బోతున్న‌ట్లు స‌మాచారం.

షూటింగ్ కంప్లీట్…

కిల్ల‌ర్‌ పార్ట్ 1 డ్రీమ్ గర్ల్ మూవీ షూటింగ్ శరవేగంగా జ‌రుగుతోన్న‌ట్లు మేక‌ర్స్ వెల్ల‌డించారు. తాజాగా మూడో షెడ్యూల్ పూర్త‌యిన‌ట్లు వెల్ల‌డించారు. ఈ షెడ్యూల్‌తో 50 శాతం షూటింగ్ కంప్లీట్ పూర్త‌యింది. ఈ మూడో షెడ్యూల్‌లో ప్రధాన తారాగణంపై , కీలకమైన యాక్షన్, రొమాంటిక్, థ్రిల్లింగ్ సన్నివేశాలను చిత్రీకరించిన‌ట్లు వెల్ల‌డించారు.

నెక్స్ట్ షెడ్యూల్‌తో షూటింగ్ తుది ద‌శ‌కు చేరుకుంటున్న‌ది మేక‌ర్స్ పేర్కొన్నారు. హీరో, డైరెక్ట‌ర్ మాత్ర‌మే కాకుండా ఈ సినిమాకు పూర్వాజ్ ప్రొడ్యూస‌ర్ కూడా కావ‌డం గ‌మ‌నార్హం. ప్రజయ్ కామత్, ఎ. పద్మనాభ రెడ్డి ల‌తో క‌లిసి అత‌డు ఈ మూవీని నిర్మిస్తున్నాడు.

సూప‌ర్ హీరో మూవీ..

గ‌తంలో సుకు పూర్వ‌జ్ శుక్ర, మాటరాని మౌనమిది, సినిమాల‌కు ద‌ర్శ‌క‌త్వం వ‌హించాడు. అత‌డు డైరెక్ట‌ర్‌వ‌గా వ్య‌వ‌హ‌రించిన ఏ మాస్టర్ పీస్ మూవీ రిలీజ్‌కు సిద్ధంగా ఉంది. ఈ మూవీలో జ్యోతిరాయ్ న‌టించ‌డం గ‌మ‌నార్హం. సూప‌ర్ హీరో కాన్సెప్ట్‌తో తెర‌కెక్కిన ఏ మాస్ట‌ర్ పీస్ మూవీలో జ్యోతిరాయ్ త‌ల్లి పాత్ర‌లో న‌టించిన‌ట్లు స‌మాచారం.

క‌న్న‌డంలో…

క‌న్న‌డంలో దియా, స‌ప్ల‌య‌ర్ శంక‌ర్‌, వ‌ర్ణ ప‌ట‌ల‌, దియా, నైట్ రోడ్‌తో పాటు మ‌రికొన్ని సినిమాలు చేసింది జ్యోతిరాయ్‌. క‌న్న‌డ‌, తెలుగు భాష‌ల్లో 15కుపైగా సీరియ‌ల్స్‌లో న‌టించింది. తెలుగులో గుప్పెడంత మ‌న‌సు సీరియ‌ల్ జ్యోతిరాయ్‌కి మంచి పేరు తెచ్చిపెట్టింది. కొన్నాళ్లుగా సినిమాలు, వెబ్‌సిరీస్‌ల‌పై ఫోక‌స్ పెట్టిన జ్యోతిరాయ్ సీరియ‌ల్స్‌కు దూర‌మైంది.