శౌర్య ట్రీట్‌మెంట్‌కు తాను సాయం చేస్తాన‌ని దీప‌తో అంటుంది జ్యోత్స్న. కోటి రూపాయ‌ల చెక్ ఇస్తుంది. కార్తీక్‌తో దీప‌కు ఏం సంబంధం లేద‌ని పేప‌ర్స్ సిద్ధం చేసుకొని వ‌స్తుంది జ్యోత్స్న‌. డ‌బ్బు కావాలంటే ఈ పేప‌ర్స్‌పై సంత‌కం పెట్ట‌మ‌ని దీప‌కు కండీష‌న్ పెడుతుంది. ఈ డ‌బ్బు తీసుకొని నీ కూతురిని బ‌తికించుకోమ‌ని, ఆ త‌ర్వాత కార్తీక్‌ను త‌న‌కు వ‌దిలిపెట్టి ఇక్క‌డి నుంచి వెళ్లిపొమ్మ‌ని అంటుంది. కార్తీక్‌ను నాకు వ‌దిలేయ‌డానికి ఈ కోటి రూపాయ‌లు స‌రిపోవంటే ఇంకో కోటి ఇస్తాన‌ని దీప‌తో చెబుతుంది జ్యోత్స్న‌.

కూతురు ప్రాణాలు కూడా.,.

డ‌బ్బులు వ‌ద్దంటే పోయేది అవ‌కాశ‌మే కాదు నీ కూతురు ప్రాణాలు కూడా అంటూ దీప‌ను ఎమోష‌న‌ల్ బ్లాక్‌మెయిల్ చేస్తుంది జ్యోత్స్న‌. ఏ కూతురు కోస‌మైతే నువ్వు ఇన్ని బాధ‌లు ప‌డ్డావో ఆ కూతురే ఇప్పుడు చావు బ‌తుకుల్లో ఉంది. త‌ల్లిగా నువ్వు కాపాడుకోవాలంటే నేను చెప్పిన‌ట్లు పేప‌ర్‌పై సంత‌కం పెట్టామ‌ని చెబుతుంది. కార్తీక్‌పై న‌మ్మ‌కం పెట్టుకొని శౌర్య ప్రాణాలు తీయ‌ద్ద‌ని దీప‌ను తొంద‌ర పెడుతుంది జ్యోత్స్న‌.

యాభై ల‌క్ష‌లు అసాధ్యం…

దీప డైల‌మాలో ప‌డుతుంది. శౌర్య‌తో పాటు కార్తీక్ త‌న‌తో చెప్పిన మాట‌లు గుర్తుచేసుకుంటుంది. న‌ల‌భై ఐదు ల‌క్ష‌లు క‌ట్ట‌క‌పోతే ఆప‌రేష‌న్ జ‌ర‌గ‌ద‌ని డాక్ట‌ర్ అన్న మాట‌లు కూడా దీప‌కు గుర్తొస్తాయి. శౌర్య బ‌తికి ఉండాలంటే నువ్వు కొన్ని వ‌దులుకోవాల‌ని దీప‌కు చెబుతుంది జ్యోత్స్న‌. ఎవ‌రు ఎంత ప్ర‌య‌త్నించిన ఉద‌యం లోపు యాభై ల‌క్ష‌లు సంపాదించ‌డం అసాధ్య‌మ‌ని, ఇప్పుడు నీ పాలిట నేనే దేవ‌త‌న‌ని, నీ కూతురు ప్రాణాలు కాపాడ‌టానికి వ‌చ్చాన‌ని జ్యోత్స్న అంటుంది.

దీప క‌న్నీళ్లు…

జ్యోత్స్న మాట‌ల‌తో దీప క‌న్నీళ్లు పెట్టుకుంటుంది. సంత‌కం పెట్టాలా వ‌ద్దా అని ఆలోచిస్తుంటుంది. అక్క‌డ‌కు వ‌చ్చిన కార్తీక్ దూరం నుంచి దీప సంత‌కం పెడుతుంతో లేదో అని చూస్తుంటాడు. కూతురు కోసం దీప భ‌ర్త‌ను వ‌దిలేస్తుంద‌ని త‌న‌కు తెలుసున‌ని మ‌న‌సులో జ్యోత్స్న అనుకుంటుంది.

ప్లాన్ ఫెయిల్‌…

జ్యోత్స్న ప్లాన్ ఫెయిల‌వుతుంది. దీప సంత‌కం పెట్ట‌కుండా పేప‌ర్‌ను చింపి ముక్క‌లు చేస్తుంది. కార్తీక్‌ను నీకు ఇచ్చేయాలా…,అందుకు డ‌బ్బులు ఇస్తావా…డ‌బ్బులు ఇస్తే అమ్మ‌డానికి కార్తీక్ మ‌నిషి అనుకున్నావా? వ‌స్తువ‌నుకుంటున్నావా? అని జ్యోత్స్న‌కు క్లాస్ ఇస్తుంది దీప‌. ఇంకో మాట మాట్లాడితే చెప్పు తీసి కొడ‌తాన‌ని వార్నింగ్ ఇస్తుంది.

కార్తీక్‌కు నువ్వు వెల క‌ట్టావు. నేను గుడి క‌ట్టాను. నీకు అత‌డు కొనుక్కునే వ‌స్తువు. నాకు అత‌డు కొలిచే దేవుడు అని దీప అంటుంది. నీ కోట‌లో నీ ద‌గ్గ‌ర బానిస‌గా కార్తీక్ బ‌త‌క‌డం కంటే పూరి గుడిసెలో రాజులా బ‌త‌కాల‌ని నేను కోరుకుంటున్నాన‌ని జ్యోత్స్న‌తో దీప చెబుతుంది.

చ‌ప్ప‌ట్లు కొట్టాల‌ని అనుకున్నా…

నువ్వు అడిగిన ప్ర‌శ్న‌కు నీకు ఇప్పుడే కార్తీక్‌తో స‌మాధానం చెప్పిస్తాన‌ని దీప వెన‌క్కి తిరుగుతుంది. కార్తీక్ క‌నిపిస్తాడు. కార్తీక్‌ను చూడ‌గానే జ్యోత్స్న షాక‌వుతుంది. మామూలుగా అయితే కోపంతో అరిచేవాడిని. కానీ స‌మాధానం నీ నిర్ణ‌యంపై ఆధాప‌డి ఉండ‌టంతో ఇంత‌సేపు మౌనంగా ఉన్నాన‌ని దీప‌తో అంటాడు కార్తీక్‌. నువ్వు చేసిన ప‌నికి చ‌ప్ప‌ట్లు కొట్టాల‌ని అనిపించింది. ఆ మ‌నిషి మ‌న‌సును నిల‌దీసి క‌డిగిన‌ట్లు మాట్లాడితే ఇది క‌దా దీప అని గ‌ట్టిగా అవ‌రావాల‌ని అనిపించింద‌ని దీప‌తో చెబుతాడు కార్తీక్‌.

నా మ‌న‌సు నీకు తెలియ‌దా…

జ్యోత్స్న‌కు మీరంటే ప్రాణ‌మ‌ట‌. నా ద‌గ్గ‌ర నుంచి మిమ్మ‌ల్ని కొన‌డానికి వ‌చ్చింద‌ని చెప్పి జ్యోత్స్న‌ను కార్తీక్ ద‌గ్గ‌కు తీసుకెళుతుంది దీప‌. కార్తీక్ మ‌న‌సులో నువ్వు ఉంటే…త‌న‌కు నీ మీద ప్రేమ ఉంటే వెళ్లొద్ద‌ని గీత గీసి నేను ఆప‌ను అని జ్యోత్స్న‌తో అంటుంది దీప‌. జ్యోత్స్న‌తో మీరు బ‌త‌కాల‌ని అనుకుంటున్నారా అని కార్తీక్‌ను అడుగుతుంది దీప‌. నా మ‌న‌సు నీకు తెలియ‌దా దీప అని కార్తీక్ బ‌దులిస్తాడు. జ్యోత్స్న‌కు తెలియ‌డం లేద‌ని దీప అంటుంది. ఎవ‌రికి స‌మాధానం చెప్పాల్సిన అవ‌స‌రం త‌న‌కు లేద‌ని కార్తీక్ అంటాడు.

రాక్ష‌సుల్లో పుట్టాలి…

మ‌నుషుల‌కు బేరం పెట్టే నీలాంటివాళ్లు మ‌నుషుల్లో కాదు రాక్ష‌సుల్లో పుట్టాల‌ని జ్యోత్స్న‌తో కోపంగా అంటాడు కార్తీక్‌. అప్పుడు కూడా నేను నిన్నే ప్రేమిస్తాన‌ని జ్యోత్స్న బ‌దులిస్తుంది. నిన్ను కొట్ట‌క‌ముందే ఇక్క‌డి నుంచి వెళ్లిపొమ్మ‌ని జ్యోత్స్న‌ను హెచ్చ‌రిస్తాడు కార్తీక్‌. న‌న్ను కాద‌నుకొని దీప కూతురిని నువ్వు కాపాడుకోలేవ‌ని జ్యోత్స్న అంటుంది. దీప కూతురు కాదు నా కూతురు. త‌న‌ను నేను కాపాడుకుంటాన‌ని, దేవుడే దారి చూపిస్తాడ‌ని కార్తీక్ అంటాడు.

కార్తీక్‌ను న‌మ్ముకుంటే…

నువ్వు కార్తీక్‌ను న‌మ్ముకుంటే నీ కూతురిని చంపుకున్న‌ట్లేన‌ని దీప‌తో కోపంగా అంటుంది జ్యోత్స్న‌. నీ మంచికే చెబుతున్నాను ఇక్క‌డి నుంచి వెళ్లిపోమ‌ని జ్యోత్స్న‌కు వార్నింగ్ ఇస్తుంది. నువ్వు అనుకున్న‌ది ఈ జ‌న్మ‌లో జ‌ర‌గ‌ద‌ని, నా కూతురిని ఎలా కాపాడుకోవాలో నాకు తెలుసు నువ్వు బ‌య‌లుదేరితే మంచిద‌ని కార్తీక్ అంటాడు. కార్తీక్ మాటే త‌న మాట దీప కూడా అంటుంది.

పోలేర‌మ్మ జాత‌రే…

నీ టైమ్ బాగుంది కాబ‌ట్టి త‌ప్పు చేసినా కూడా బ‌తికిపోయావు. దీప‌కు తిక్క‌రేగి అమ్మోరు పూనితే నీకు పోలేర‌మ్మ జాత‌రేన‌ని జ్యోత్స్న ఇచ్చిన చెక్కును జ్యోత్స్న‌కు తిరిగి ఇచ్చేస్తాడు కార్తీక్‌.

అయినా జ్యోత్స్న ప‌ట్టు వీడ‌దు. ఈ ఆఫ‌ర్‌కు ఇంకా ఇర‌వై నాలుగు గంట‌ల టైమ్ ఉంద‌ని, ఎప్పుడు ఫోన్ చేసినా పేప‌ర్ల‌తో నీ ముందు ఉంటాను. క‌న్నీళ్ల‌తో బ‌తికించుకోలేని నీ కూతురిని ఒక్క సంత‌కంతో బ‌తికించుకోవ‌చ్చ‌ని దీప‌తో జ్యోత్స్న అంటుంది. నీ కాల్ కోసం ఎదురుచూస్తుంటాన‌ని అని చెబుతుంది జ్యోత్స్న‌. నా దృష్టిలో నువ్వు ఎప్ప‌టికీ వంట మ‌నిషివేన‌ని, కార్తీక్ భార్య మాత్రం కాద‌ని చెప్పి వెళ్లిపోతుంది.

వంట మ‌నిషిగానే…

నువ్వు నా భార్య‌వ‌ని ఎవ‌రి మాట‌లు ప‌ట్టించుకోవ‌ద్ద‌ని దీప‌ను ఓదార్చుతాడు కార్తీక్‌. మీతో ఇంకో వందేళ్లు బ‌తికినా జ‌నం న‌న్ను వంట మ‌నిషిగానే చూస్తుంటార‌ని దీప ఎమోష‌న‌ల్ అవుతుంది. ఇంకో రెండు వంద‌ల ఏళ్ల‌యినా అడిగిన ప్ర‌తి ఒక్క‌రికి నువ్వే నా భార్య‌వ‌ని చెప్పే స‌హ‌నం నాకు ఉంద‌ని కార్తీక్ బ‌దులిస్తాడు. ఇప్పుడు మ‌నం ఆలోచించాల్సింది శౌర్య గురించి అని కార్తీక్ అంటాడు.

స్పృహ‌లోకి వ‌చ్చిన దాసు…

దాసు స్పృహ‌లోకి వ‌స్తాడు. అది చూసి కాశీ షాక‌వుతాడు. లేచి బ‌య‌ట‌కు వెళ్ల‌బోతుండ‌గా కాశీ వ‌చ్చి సేవ్ చేస్తాడు. పేప‌ర్‌పై మోసం అన్యాయం…కూతురిని వ‌ద‌ల‌న‌ని కాశీ రాస్తాడు. కొట్టారు అని కూడా రాసి ఉంటుంది. మ‌ళ్లీ వెంట‌నే స్పృహ కోల్పోతాడు. ఆ పేప‌ర్‌పై ఉన్న అక్ష‌రాలు కాశీ ఆలోచ‌న‌లో ప‌డ‌తాడు. తండ్రితో త‌న‌దో ఏదో చెప్పాల‌ని ప్ర‌య‌త్నించాడ‌ని కాశీ అర్థం చేసుకుంటారు. తండ్రికి యాక్సిడెంట్ జ‌రిగిందా? ఎవ‌రైనా కొట్టారా అని ఆలోచిస్తుంటాడు. అక్క‌డితో నేటి కార్తీక దీపం సీరియ‌ల్ ముగిసింది.