ప్రకృతి అందాలకు కేరాఫ్ అయిన పాపికొండలను చూడాలని అనుకుంటున్నారా..? గోదావరిలో బోట్ రైడింగ్ చేస్తూ…. ప్రకృతి అందాలను అస్వాదించాలనుకుంటున్నారా..? అయితే మీకోసం తెలంగాణ టూరిజం అద్భుతమైన టూర్ ప్యాకేజీని తీసుకువచ్చింది.

బడ్జెట్ ధరలోనే హైదరాబాద్ నుంచి పాపికొండలు టూర్ ప్యాకేజీని ప్రకటించింది. ప్రతి శుక్రవారం తేదీల్లో ఈ ప్యాకేజీ అందుబాటులో ఉంటుంది. వీకెండ్స్ లో ఆహ్లాదకరంగా గడిపి రావొచ్చు. బస్సులో జర్నీ ఉంటుంది.

పాపికొండలు టూర్ ప్యాకేజీ – వివరాలు:

• పాపికొండల చూసేందుకు తెలంగాణ టూరిజం “PAPIKONDALU ROAD CUM RIVER CRUISE PACKAGE TOUR ” పేరుతో ప్యాకేజీని తీసుకుంది.
• హైదరాబాద్ నుంచి ప్రతి శుక్రవారం ఈ ప్యాకేజీ అందుబాటులో ఉంటుంది. ప్రస్తుతం 7 ఫిబ్రవరి, 2025వ తేదీన జర్నీ ఉంది. ఈ తేదీ మిస్ అయితే మరో డేట్ లో బుకింగ్ చేసుకోవచ్చు.
• హైదరాబాద్ – పాపికొండలు టూర్ ప్యాకేజీ ధరలు: పెద్దలకు 6999గా ఉంటే… పిల్లలకు రూ. 5599గా ఉంది . నాన్ ఏసీ బస్సులో జర్నీ ఉంటుంది.
• ప్యాకేజీ బుకింగ్ చేసుకున్న వాళ్లు హైదరాబాద్ నుంచి వెళ్తారు. రాత్రి 07.30 గంటలకు పర్యాటక భవన్ నుంచి బస్సు బయల్దేరుతుంది. రాత్రి 8 గంటలక బషీర్ బాగ్ వద్దకు వస్తుంది. రాత్రి భద్రాచలం వెళ్తారు. మార్గ మధ్యలో భోజనం ఉంటుంది.
• రెండో రోజు ఉదయం 6 గంటలకు భద్రాచలంలోని హారిత హోటల్ కు చేరుకుంటారు. 8 గంటలకు పోచారం బోటింగ్ పాయింట్ కు చేరుకొని.. పాపికొండలతో పాటు పెరంటాలపల్లికి వెళ్తారు. పొచారానికి బోట్ లో జర్నీ ఉంటుంది. ఈ జర్నీని అత్యంత ఆహ్లాదకరంగా సాగుతుంది. గోదావరి అందాలను మాటాల్లో వర్ణించలేం. ఇక రాత్రి భద్రాచలంలోని హారిత హోటల్ లో బస చేస్తారు.
• మూడో రోజు టిఫిన్ చేసిన పర్ణశాలకు వెళ్తారు. మధ్యాహ్నం భోజనం చేసిన తర్వాత… హైదరాబాద్ కు బయల్దేరుతారు. రాత్రి 10గంటలకు హైదరాబాద్ కు చేరుకుంటారు.
• ఈ ప్యాకేజీకి సంబంధించి ఏమైనా సందేహాలు ఉంటే 1800-425-46464 నెంబర్ కు కాల్ చేయవచ్చు. info@tstdc.in మెయిల్ ద్వారా కూడా సంప్రదించవచ్చు.
• ఈ లింక్ పై క్లిక్ చేసి హైదరాబాద్ – పాపికొండలు టూర్ ప్యాకేజీ వివరాలను తెలుసుకోవచ్చు. బుకింగ్ చేసుకునే వీలు కూడా ఉంటుంది.