ఇంట్లో పిల్లలు నుండి పెద్దలు వరకు అందరికీ బేకరీకి వెళ్ళడం ఇష్టం. బేకరీలలో అమ్ముడయ్యే పలు రకాల స్పెషల్ ఐటెమ్స్‌యే ఇందుకు కారణం. స్వీట్ ఫుడ్‌తో పాటు కారంగా అనిపించే వంటకాలు బేకరీలలో కనిపిస్తూ నోరూరిస్తుంటాయి. బోలెడు రకాలైన ఈ ఫుడ్స్‌లో చాలా మంది ఇష్టపడేవాటిలో కోకోనట్ బన్ కూడా ఒకటి. బేకరీకి వెళ్లిన ప్రతి ఒక్కరూ ఈ బన్ తినేందుకు ఆసక్తి కనబరుస్తుంటారు. దానిని శుభ్రంగా తయారుచేశారో లేదో అనే అనుమానంతోనే తినేస్తుంటారు. ఇకపై మీరు ఇష్టమైన ఫుడ్ తినడం కోసం శుభ్రం విషయంలో రాజీపడాల్సిన అవసరం లేదు. మీకు ఇష్టమైన కోకోనట్ బన్‌ను ఇంట్లోనే ఈ రెసిపీతో ట్రై చేసేయండి.

బేకరీ స్టైల్‌లో కోకోనట్ బన్ ఎలా తయారు చేయాలో చూద్దాం.

అవసరమైన పదార్థాలు

• 2 కప్పులు మైదా
• అర కప్పు వెచ్చని నీరు
• 1 టీస్పూన్ చక్కెర
• ఒక చిటికెడు ఉప్పు
• 1 టీస్పూన్ ఈస్ట్
• 2 టేబుల్ స్పూన్లు వెన్న
• 3 టేబుల్ స్పూన్లు కొబ్బరి తురుము
• 4 టీస్పూన్లు డ్రై ఫ్రూట్స్
• 5 లేదా 6 చెర్రీ పండ్లు
• 1 టీస్పూన్ నెయ్యి
• 4 టేబుల్ స్పూన్లు పొడి చక్కెర
• 2 టేబుల్ స్పూన్లు పాలు

తయారీ విధానం

• ముందుగా ఒక పెద్ద పాత్రలో వేడి నీటిని తీసుకోవాలి.
• ఆ తర్వాత అందులో చక్కెర, ఈస్ట్‌లను కలిపి 10 నిమిషాలు మూత పెట్టి ఉంచాలి.
• ఆ తర్వాత ఈస్ట్ ఆక్టివేట్ అయిన తర్వాత అందులో మైదా, కావలసినంత ఉప్పు, 2 టేబుల్ స్పూన్లు వెన్న వేసి బాగా కలుపుకోవాలి. ఇందులో పాలు కలపడం మర్చిపోవద్దు.
• ఆ తర్వాత దీనిపై కొద్దిగా నూనె రాసి మూత పెట్టి 1 గంట ఉంచాలి. పిండి ఉడికి కాస్త ఉబ్బినట్లు అవుతుంది. ఆ తర్వాత దీన్ని చపాతీ రోలింగ్ పిన్ మీద ఉంచి చేతులకు నూనె రాసుకుని బాగా నొక్కి పిండిని కలుపుకోవాలి. దీన్ని సమానంగా ముక్కలుగా కట్ చేసి ఉండలుగా చేసుకోవాలి.
• ఇప్పుడు ఒక కడాయిని స్టవ్ మీద ఉంచి అందులో నెయ్యి పోసి వేడి చేయాలి.
• నెయ్యి వేడైన తర్వాత అందులో కోకోనట్ తురుము వేసి వేయించుకోవాలి. ఆ తర్వాత ఒక గిన్నెలో కోకోనట్ తురుము, పొడి చక్కెర, డ్రై ఫ్రూట్స్, చిన్నగా తరిగిన చెర్రీలను కలిపి ఉంచుకోవాలి.
• ఆ తర్వాత ఒక ఉండను తీసుకుని పిండి మీద ఉంచి కొద్దిగా నొక్కి దాని మధ్యలో ఈ కోకోనట్ మిశ్రమాన్ని ఉంచి మూసి ఉండగా చేయాలి.
• ఆ తర్వాత వెన్న రాసిన ప్లేట్ లో ఈ ఉండలను ఒకొక్కటిగా వేస్తూ 10 నిమిషాలు ఉంచాలి.
• ఈ ఉండల మీద కొద్దిగా పాలు రాసి బ్రష్ చేయాలి. ఆ తర్వాత కడాయిలో ఉంచి మూత పెట్టి 25 నిమిషాలు బేక్ చేయాలి. ఆ తర్వాత బన్ చల్లారిన తర్వాత దాని మీద వెన్న రాసి బ్రష్ చేసుకోవాలి. సూపర్ కోకోనట్ బన్ రెడీ.