ముఖ్యమంత్రి నారా చంద్రబాబు నాయుడు అధ్యక్షతన సచివాలయం మొదటి బ్లాక్ లో రాష్ట్ర కేబినెట్ భేటీ జరిగింది. ఇందులో పలు కీలక అంశాలపై చర్చించారు. నామినేటెడ్ పోస్టుల్లో బీసీలకు 34 శాతం రిజర్వేషన్ కల్పిస్తూ మంత్రివర్గం ఆమోదం తెలిపింది.

విశాఖ గాజువాక రెవెన్యూ గ్రామ పరిధిలో అభ్యంతరం లేని భూములను క్రమబద్ధీకరించే ప్రతిపాదనకు కేబినెట్ ఆమోదముద్ర వేసింది. అంతేకాకుండా ఏపీ నాలెడ్జ్ సొసైటీ కేపాసిటీ బిల్డింగ్, పట్టాదార్ పాస్ పుస్తకం చట్ట సవరణకు ప్రతిపాదనపై కేబినెట్ లో చర్చ జరిగింది. రాష్ట్రంలోని మహిళా పారిశ్రామికవేత్తలను ప్రోత్సహించేందుకు కేబినెట్ నిర్ణయం తీసుకుంది.