OTT Release Movies Today Telugu: ఓటీటీలోకి ఇవాళ నాలుగు సినిమాలు డిజిటల్ స్ట్రీమింగ్‌కు వచ్చేశాయి. వాటిలో రెండు తెలుగు సినిమాలు నేరుగా ఓటీటీ స్ట్రీమింగ్ అవుతున్నాయి. అది కూడా ఒకే ఓటీటీ ప్లాట్‌ఫామ్‌లో రిలీజ్ అయ్యాయి. ఫ్యామిలీ డ్రామా, లవ్ రొమాంటిక్ జోనర్స్‌తో ఆ రెండు సినిమాలు ఉన్నాయి. ఇవి, మిగతా సినిమాలు ఏంటీ, వాటి ఓటీటీ ప్లాట్‌ఫామ్స్ ఏంటో ఇక్కడ తెలుసుకుందాం.

కథా సుధ ఓటీటీ

ప్రముఖ తెలుగు ఓటీటీ ప్లాట్‌ఫామ్ ఇటీవల మొదలుపెట్టిన సరికొత్త ఓటీటీ వీక్లీ సిరీస్ కథా సుధ. అంటే, ఇందులో ప్రతి ఆదివారం కొత్త సినిమాను ఓటీటీ స్ట్రీమింగ్ చేయనున్నారు. అంటే ఒక ఎపిసోడ్ తరహాలో ప్రతి ఆదివారం కేవలం దాదాపుగా 30 నిమిషాల రన్ టైమ్‌తో కథా సుధా ఓటీటీ వీక్లీ సిరీస్‌ను డిజిటల్ ప్రీమియర్ చేస్తున్నారు.

సతీష్ వేగేశ్న, దర్శకేంద్రుడు రాఘవేంద్ర రావు సమర్పణలో ఈ సినిమాలు తెరకెక్కుతున్నాయి. ఈ క్రమంలోనే ఇవాళ (ఏప్రిల్ 6) రెండు సినిమాలను నేరుగా ఓటీటీ స్ట్రీమింగ్‌కు తీసుకొచ్చారు. వాటిలో ఒకటే ఉత్తరం. ఈ ఉత్తరం సినిమా సుమారుగా 31.54 నిమిషాల రన్‌టైమ్‌తో ఉంది.

ఉత్తరం ఓటీటీ

ఈ ఉత్తరం కథ మొబైల్స్ వాడకం లేకముందు బంధువులతో ఎలా కమ్యూనికేట్ చేసేవారో చూపించారు. చిన్ని తన తాతయ్య, నానమ్మ మధ్య ఉండే కమ్యునికేషన్ గురించి అడగడంతో ఈ కథ మొదలు అవుతుంది. భర్త ఉత్తరం కోసం ఓ భార్య చూసే ఎదురుచూపుల కాన్సెప్ట్‌తో ఉత్తరం ఎపిసోడ్ ఉంది. దీనికి కథ, రచన, దర్శకత్వం సతీష్ వేగేశ్న వహించారు.

ఉత్తరంతోపాటు ఈటీవి విన్‌లో ఓటీటీ రిలీజ్ అయిన మరో సినిమా లైఫ్ పార్ట్‌నర్. బిగ్ బాస్ ఫేమ్ శ్రీహాన్, విరూపాక్ష ఫేమ్ సోనియా సింగ్ ప్రధాన పాత్రల్లో నటించారు. 34.21 రన్ టైమ్ ఉన్న ఈ సినిమాకు లిరిక్స్, స్క్రీన్ ప్లే, ప్రొడ్యూసర్, డైరెక్షన్ సూపర్‌విజన్‌గా దర్శకేంద్రుడు రాఘవేంద్రరావు ఉన్నారు. అలాగే, స్టోరీ, డైలాగ్స్, డైరెక్షన్ రాంకీ వహించారు.

లైఫ్ పార్ట్‌నర్ ఓటీటీ

వి కిరణ్ కుమార సంగీతం అందించిన లైఫ్ పార్టనర్ ఈటీవీ విన్‌లో ఫ్రీగా స్ట్రీమింగ్ అవుతోంది. ఈటీవీ విన్ లో నేరుగా ఓటీటీ స్ట్రీమింగ్ అయిన ఈ రెండు తెలుగు సినిమాలు లైఫ్ పార్టనర్, ఉత్తరంను ఎలాంటి సబ్‌స్క్రిప్షన్ లేకుండా ఫ్రీగా చూసేయొచ్చు.

ఇన్‌సైడ్ జాబ్ సీజన్ 2 ఓటీటీ

హాలీవుడ్ కార్టూన్ అడ్వెంచర్ థ్రిల్లర్ వెబ్ సిరీస్ ఇన్‌సైడ్ జాబ్. ఈ సీజన్ నుంచి రెండో సీజన్ ఇవాళ ఓటీటీ స్ట్రీమింగ్‌కు వచ్చింది. నెట్‌ఫ్లిక్స్‌లో ఇన్‌సైడ్ జాబ్ సీజన్ 2 ఓటీటీ రిలీజ్ అయింది. షియాన్ టెకూచీ, అలెక్స్ హిర్స్చ్, అలిషా బ్రోఫీ, స్కాట్ మైల్స్, చేస్ మిట్చెల్, అడమ్ లెదరర్ దీనికి రైటర్స్‌గా పనిచేశారు. షియాన్ టేకూచీ క్రియేటర్‌గా వ్యవహరించారు.

డేవిడ్ బ్లెయిన్ డు నాట్ అటెంప్ట్ ఓటీటీ

అమెరికన్ మెజిషీయన్, మెంటలిస్ట్ డేవిడ్ బ్లెయిన్ చేసిన రియల్ అడ్వెంచర్‌ను ఎపిసోడ్స్‌గా మలిచి ఓటీటీ ప్రేక్షకుల ముందుకు తీసుకొచ్చిందే డు నాట్ అటెంప్ట్. ఎవరు చేయని సాహోసోపేతమైన పనులను రెండు ఎపిసోడ్స్‌తో ఇవాళ జియో హాట్‌స్టార్/డిస్నీ ప్లస్ హాట్‌స్టార్‌లో ఓటీటీ రిలీజ్ చేశారు. ఇదిలా ఉంటే, ఈ నాలుగింటిలో చూసేందుకు బెస్ట్‌గా కథా సుధ రెండు తెలుగు సినిమాలు ఉన్నాయి.