రైళ్లల్లో బెంగళూరుకు ప్రయాణిస్తున్న వారికి కీలక అలర్ట్​! వైట్​ఫీల్డ్​- కేఆర్​ పురం స్టేషన్స్​ మధ్యలో ఉన్న బ్రిడ్జ్​ నెంబర్​ 834 మీద పనుల కారణంగా పలు రైళ్లు పూర్తిగా రద్దు అయ్యాయి. మరికొన్ని పాక్షికంగా రద్దు అయ్యాయి. ఇంకొన్నింటిని దారి మళ్లించడం జరిగింది. మరికొన్నింటి షెడ్యూల్​ సైతం మారింది. పూర్తి వివరాలను ఇక్కడ తెలుసుకోండి..

బెంగళూరు రైలు ప్రయాణికులకు అలర్ట్​!

బ్రిడ్జ్​ పనుల కారణంగా 06527 బంగరపేట్​- ఎస్​ఎంవీటీ బెంగళూరు ఎంఈఎంయూ స్పెషల్​ రైలు ఏప్రిల్​ 12, 15, 19, 22 తేదీల్లో రద్దు అయ్యింది.

06528 ఎస్​ఎంవీటీ బెంగళూరు- బంగరపేట్​ ఎంఈఎంయూ స్పెషల్​ రైలు ఏప్రిల్​ 13, 16, 20, 23 తేదీల్లో రద్దు అయ్యింది.

వైట్​ఫీల్డ్​- కేఎస్​ఆర్​ బెంగళూరు మధ్య నడిచే 16521 బంగరపేట్​- కేఎస్​ఆర్​ బెంగళూరు ఎంఈఎంయూ ఎక్స్​ప్రెస్​ ఏప్రిల్​ 15, 22 తేదీల్లో వైట్​ఫీల్డ్​ దగ్గర ఆగిపోతుంది.

06269 మైసూరు- ఎస్​ఎంవీటీ బెంగళూరు డైలీ ప్యాసింజర్​ స్పెషల్​ రైలు ఏప్రిల్​ 12, 15, 19, 22 తేదీల్లో బెంగళూరు కంటోన్మెంట్​లో ఆగకుండా ఎస్​ఎంవీటీ బెంగళూరు, బనస్వాడి, హెబ్బాల్​, యశ్వంతపూర్​, కేఎస్​ఆర్​ బెంగళూరు మధ్య నడుస్తుంది.

11013 లోక్​మాన్య తిలక్​ టర్మినస్​- కోయంబత్తూర్​ డైలీ ఎక్స్​ప్రెస్​.. ఏప్రిల్​ 14, 21 తేదీల్లో గౌరిబిదనూర్​, యెలహంక, లొట్టెగొల్లహళ్లి, యశ్వంత్​పూర్​, హెబ్బాల్​, బనస్వాడి, కర్మెలారం, హోసూర్​ మధ్య నడుస్తుంది. ఆయా రోజుల్లో ఈ రైలు బెంగళూరు-ఈస్ట్​, బెంగళూరు కంటోన్మెంట్​, కేఎస్​ఆర్​ బెంగళూరులో ఆగదు. కాగా యశ్వంత్​పూర్​లో మాత్రం తాత్కాలిక స్టాప్​ ఉంటుంది. ఆయా రోజుల్లో ఉదయం రాత్రి 9 గంటల 20 నిమిషాలకు వచ్చి 9 గంటల 40 నిమిషాలకు బయలుదేరుతుంది.

మరిన్ని వివరాల కోసం స్థానిక రైల్వే స్టేషన్​, రైల్వే వెబ్​సైట్స్​ని సందర్శించాల్సి ఉంటుంది.

ఈ రైళ్లు ఇక సికింద్రాబాద్​కి రావు..!

సికింద్రబాద్​ విషయానికొస్తే, ఇప్పటివరకు ఈ స్టేషన్​లో ఆగిన పలు రైళ్లకు స్టాప్​ తొలగించారు. సికింద్రాబాద్​ రైల్వే స్టేషన్​లో జరుగుతున్న అభివృద్ధి పనులు ఇందుకు కారణం.

దాదాపు 10 రైళ్ల గమ్యస్థానాన్ని మార్చడం జరిగింది. ఇది తాత్కాలిక చర్య మాత్రమే. పూర్తి వివరాలను ఇక్కడ క్లిక్​ చేసి తెలుసుకోండి.