Teaser: డియ‌ర్ ఉమ మూవీతో తెలుగమ్మాయి సుమయ రెడ్డి హీరోయిన్‌గా టాలీవుడ్‌లోకి ఎంట్రీ ఇస్తోంది. రొమాంటిక్ ల‌వ్ యాక్ష‌న్ డ్రామాగా తెర‌కెక్కుతోన్న ఈ మూవీ టీజ‌ర్‌ను డైరెక్ట‌ర్ శివ నిర్వాణ రిలీజ్ చేశారు. టీజర్ ఎంతో బాగుందని, ల‌వ్ స్టోరీతో పాటుగా అంతర్లీనంగా మంచి సందేశాన్నిచ్చే ఫీల్ గుడ్ మూవీగా డియ‌ర్ ఉమ క‌నిపిస్తుంద‌ని శివ‌నిర్వాణ అన్నారు.

రెండు జీవితాలు…

‘గుడిలో దేవుడి వద్ద చేసే ప్రార్థనల కన్నా.. హాస్పిటల్‌లో నాలుగు గోడల మధ్య చేసే ప్రార్థనేలా ఎక్కువ’ అనే డైలాగ్‌తో డియ‌ర్ ఉమ టీజ‌ర్ ప్రారంభ‌మైంది. ‘రెండు జీవితాలు.. రెండు ప్రపంచాలు.. రెండు భావోద్వేగాలు.. ఇద్దరి ప్రేమలు.. ఒక హృదయం.. ఒక యుద్దం’, ‘పేషెంట్స్‌కి, డాక్టర్లకు మధ్య మీలాంటి కమిషన్స్ ఏజెన్సీ, బ్రోకర్లు ఉండకూడదు సర్.. దీని కోసం నేను ఎంత దూరమైనా వెళ్తాను’ అనే డైలాగ్స్ ఆక‌ట్టుకుంటున్నాయి.

ఓ రాక్‌స్టార్‌కు, డాక్ట‌ర్‌కు మ‌ధ్య ప్రేమ‌క‌థ‌తో పాటు మెడిక‌ల్ మాఫియాకు సంబంధించిన అంశాల‌ను ఈ మూవీ ట‌చ్ చేయ‌బోతున్న‌ట్లు టీజ‌ర్ చూపించారు.

రైట‌ర్ క‌మ్‌ ప్రొడ్యూస‌ర్‌…

హీరోయిన్‌గా న‌టిస్తూనే ఈ మూవీకి నిర్మాత‌గా, రైట‌ర్‌గా సుమ‌య‌రెడ్డి వ్య‌వ‌హ‌రిస్తోంది. పృథ్వీ అంబర్ హీరోగా న‌టించిన ఈ మూవీ ఏప్రిల్ 18న ప్రేక్ష‌కుల ముందుకు రాబోతుంది. ఈ సినిమాకు సాయి రాజేష్ మహాదేవ్ డైరెక్ట‌ర్‌గా వ్య‌వ‌హ‌రిస్తూనే స్క్రీన్‌ప్లే, డైలాగ్స్ స‌మ‌కూర్చారు. రాజ్ తోట కెమెరామెన్‌గా ప‌నిచేసిన ఈ మూవీకి అర్జున్ రెడ్డి ఫేమ్ ర‌ధ‌న్ మ్యూజిక్ అందించారు. .

రాజీవ్ క‌న‌కాల‌

లవ్, ఫ్యామిలీ, యాక్షన్ డ్రామా అంశాల క‌ల‌బోత‌గా తెర‌కెక్కుతోన్న ఈ మూవీలో కమల్ కామరాజు, సప్త గిరి, అజయ్ ఘోష్, ఆమని, రాజీవ్ కనకాల కీల‌క పాత్ర‌లు పోషిస్తున్నారు.

వీడియోతో క్లారిటీ…

వైసీపీ మాజీ ఎమ్మెల్యే తోపుదుర్తి ప్ర‌కాష్ రెడ్డితో సుమ‌య రెడ్డికి ఉన్న రిలేష‌న్‌పై సోష‌ల్ మీడియాలో ప‌లు పుకార్లు వినిపిస్తోన్నాయి. ఈ పుకార్ల‌ను సుమ‌య‌రెడ్డి ఖండించింది. ఓ ఫొటో, వీడియో ఆధారంగా త‌న ప్ర‌తిష్ట‌ను దిగ‌జార్చ‌వ‌ద్ద‌ని, అమ్మాయిని అడ్డం పెట్టుకొని రాజ‌కీయాల‌ను చేయ‌డం స‌రికాద‌ని సుమ‌య రెడ్డి అన్న‌ది. సోష‌ల్ మీడియాలో ఓ వీడియోను రిలీజ్ చేసింది.