వేసవి కాలం ప్రారంభం కాగానే మామిడి పండ్లు కోసం ప్రజలు ఆశగా ఎదురుచూస్తుంటారు. ఈ జ్యూసీ మామిడి పండు తినడానికి చాలా రుచిగా ఉంటుంది. మామిడి పండు తినడం వల్ల ఎన్నో ప్రయోజనాలు కూడా ఉన్నాయి. కానీ ఆయుర్వేదం ప్రకారం, మామిడితో పాటు దాని మామిడి ఆకులు కూడా ఆరోగ్యానికి ఎంతో మేలు చేస్తాయి.

విటమిన్ ఎ, విటమిన్ సి, విటమిన్ బి వంటి పోషకాలు మామిడి ఆకుల్లో పుష్కలంగా ఉంటాయి. ఈ ఆకుల్లో ఉండే యాంటీ ఆక్సిడెంట్, ఔషధ గుణాలు అనేక ఆరోగ్య సంబంధిత సమస్యలను తొలగించడంలో సహాయపడతాయి. మామిడి ఆకులను తినడం ద్వారా బరువు తగ్గే డయాబెటిస్ సమస్యను ఎలా నియంత్రించవచ్చో తెలుసుకుందాం.

మామిడి ఆకులతో ఆరోగ్య ప్రయోజనాలు

మామిడి ఆకుల్లో ఉండే యాంటీ డయాబెటిక్ గుణాలు బ్లడ్ షుగర్ లెవల్స్ ను కంట్రోల్ చేస్తాయి. ఈ రెమెడీ చేయడానికి మామిడి ఆకులను మరిగించి దాని నీటిని తాగడం వల్ల ప్రయోజనం ఉంటుంది. వీటితో పాటు మామిడి ఆకుల పొడిని తయారు చేసుకుని రోజూ నీటిలో కలపడం కూడా ప్రయోజనకరంగా ఉంటుంది.

వెయిట్ లాస్

ప్రతిరోజూ మామిడి ఆకుల టీ తాగడం వల్ల వెయిట్ లాస్ జర్నీలో చాలా సహాయపడుతుంది. మామిడి ఆకులతో తయారు చేసిన టీ నేచురల్ మెటబాలిజం బూస్టర్ గా పనిచేస్తుంది. ఈ ఆకులు జీర్ణక్రియను మెరుగుపరచడం ద్వారా ఆహారాన్ని బాగా జీర్ణం చేయడానికి సహాయపడతాయి. ఇది బరువు తగ్గడానికి సహాయపడుతుంది.

మలబద్ధకం నుంచి ఉపశమనం

మామిడి ఆకుల కషాయం తాగడం వల్ల జీర్ణవ్యవస్థ మెరుగుపడుతుంది. దీని వల్ల మలబద్దకం, అజీర్ణం వంటి సమస్యల నుంచి ఉపశమనం పొందవచ్చు.

మామిడి ఆకులను గ్రైండ్ చేసి ముఖానికి అప్లై చేయడం వల్ల మొటిమలు, మరకల సమస్య నుంచి ఉపశమనం లభిస్తుంది. ఇందులో ఉండే యాంటీ ఆక్సిడెంట్లు చర్మాన్ని ఆరోగ్యంగా ఉంచుతాయి.

మామిడి ఆకులను ఉడకబెట్టి ఆవిరి పట్టడం వల్ల ఆస్తమా, జలుబు, దగ్గు వంటి శ్వాసకోశ సమస్యల నుంచి ఉపశమనం లభిస్తుంది.

మామిడి ఆకుల్లో ఉండే హైపోలిపిడెమిక్ గుణాలు చెడు కొలెస్ట్రాల్ ను తగ్గించి గుండె ఆరోగ్యాన్ని కాపాడుతాయి.

మామిడి ఆకుల్లో ఉండే యాంటీ ఆక్సిడెంట్లు, విటమిన్ సి రోగనిరోధక శక్తిని పెంచి త్వరగా అనారోగ్యం బారిన పడకుండా చేస్తాయి. ఇందుకోసం వారానికి కనీసం 3 సార్లు మామిటి ఆకుల టీ చేసుకుని తాగుతూ ఉండాలి.

మామిడి ఆకుల టీ తయారీ

ఈ టీని తయారు చేయడం చాలా సులభం. పచ్చని మామిడి ఆకులు తీసుకోండి. ఆ ఆకులను నీటిలో కాసేపు నానబెట్టాక చేతులతోనే శుభ్రంగా కడగండి. దానిపై ఉన్న దుమ్మూ ధూళి పోతాయి. ఆ తరువాత ఆ మామిడి ఆకులను సన్నగా తురిమి ఒక గిన్నెలో వేయండి. అందులో ఒక గ్లాసు నీరు కూడా వేసి స్టవ్ మీద పెట్టండి. మీడియం మంట మీదే మరిగించండి. పావు గంట పాటూ మరిగాక ఆ నీటిని వడకట్టి ఒక గ్లాసులో వేయండి. ఇందులో నిమ్మరసం లేదా తేనె కలుపుకుని తాగాలి. ప్రతిరోజూ తాగడం వల్ల పైన చెప్పిన ఎన్నో ప్రయోజనాలు ఉంటాయి.

(గమనిక: అధ్యయనాలు, హెల్త్ జర్నల్స్ నుంచి సేకరించిన సమాచారాన్ని మీ కోసం ఇక్కడ అందిస్తున్నాం. ఇది కేవలం సమాచారం మాత్రమే. ఇది వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి సందేహాలుంటే వెంటనే వైద్యులను సంప్రదించండి.)