ముఖంపై మొటిమలతో ఇబ్బంది పడుతున్నవారు ఎంతోమంది. మొటిమలు వచ్చాక అవి తగ్గిపోయి మచ్చలుగా మిగిలిపోతాయి. అవి చూసేందుకు అందవిహీనంగా కనిపిస్తాయి. ఇలాంటి చర్మ సమస్యలు ముఖ సౌందర్యాన్ని పాడు చేస్తాయి.

ముఖ్యంగా ఎండాకాలంలో చర్మానికి సంబంధించిన సమస్యలు ఎక్కువగా వస్తుంటాయి. ఎందుకంటే వేసవిలో ఎండ, వేడి, తేమ మొదలవుతాయి. దీని వల్ల చర్మంపై తీవ్ర ప్రభావం పడుతుంది. ఈ సీజన్ లో అతి పెద్ద సమస్య మొటిమలు, నల్ల మచ్చలు. ఈ మచ్చలను తగ్గించుకోవడానికి మీరు ఇంట్లో తయారుచేసిన ఫేస్ ప్యాక్ ఉపయోగించవచ్చు.

1. వేరుశెగన ఓట్ మీల్ ఫేస్‌‌ప్యాక్

ఈ ఫేస్ ప్యాక్ తయారు చేయడానికి, 3 టేబుల్ స్పూన్ల వేరుశెనగ ఓట్ మీల్, 1 టేబుల్ స్పూన్ తేనె, రెండు స్పూన్ల నీరు తీసుకోండి. ఇప్పుడు ఆ మిశ్రమాన్ని పేస్ట్ లా చేసుకోవాలి. దీన్ని ముఖానికి అప్లై చేసి 15-20 నిమిషాల తర్వాత గోరువెచ్చని నీటితో కడిగేయాలి. ఈ ఫేస్ ప్యాక్ చర్మాన్ని ఎక్స్ఫోలియేట్ చేసి డెడ్ స్కిన్ ను తొలగిస్తుంది. కాబట్టి వారానికి రెండు సార్లు ఇలా చేయడం వల్ల మంచి ఫలితం కనిపిస్తుంది.

2. కలబంద, పసుపు ఫేస్ ప్యాక్

ముఖంపై పడిన మొటిమల మచ్చలను తొలగించడానికి, 1 టేబుల్ స్పూన్ అలోవెరా జెల్, అర టీస్పూన్ పసుపు తీసుకోవాలి. తర్వాత అలోవెరా జెల్ ను పసుపు పొడితో చిక్కటి మిశ్రమం ఏర్పడే వరకు కలపాలి. ఇప్పుడు దీన్ని ముఖానికి అప్లై చేసి 20 నిమిషాల తర్వాత చల్లటి నీటితో కడిగేయాలి. ఈ ఫేస్ ప్యాక్ మొటిమలను తగ్గిస్తుంది. మరకలను కూడా తొలగిస్తుంది.

3) మెంతి ఫేస్ ప్యాక్

ఈ ప్యాక్ తయారు చేయడానికి ఒక టేబుల్ స్పూన్ మెంతులు, నీరు అవసరం. ఈ ప్యాక్ తయారీకి మెంతులను నీటితో గ్రైండ్ చేసి చిక్కటి పేస్టులా చేసుకోవాలి. తర్వాత ముఖానికి అప్లై చేసి 20 నిమిషాల పాటు వదిలేయాలి. ఈ ఫేస్ ప్యాక్ మొటిమలను నయం చేయడానికి, మచ్చలను తగ్గించడానికి సహాయపడుతుంది.