మ‌ల‌యాళం పొలిటిక‌ల్ థ్రిల్ల‌ర్ మూవీ జ‌నాధీప‌న్ మూవీ తెలుగులోకి వ‌చ్చింది. జ‌న‌సేనాని పేరుతో డ‌బ్ అయిన ఈ మూవీ ఓటీటీలో కాకుండా నేరుగా యూట్యూబ్‌లో రిలీజైంది. ఫ్రీగా స్ట్రీమింగ్ అవుతోంది.

కేర‌ళ‌ సీఏం…

జ‌న‌సేనాని మూవీలో హ‌రీష్ పేర‌డి, విను మోహ‌న్ కీల‌క పాత్ర‌ల్లో న‌టించారు. ఈ పొలిటిక‌ల్ థ్రిల్ల‌ర్ మూవీకి త‌న్సీర్ ఎమ్ ఏ ద‌ర్శ‌క‌త్వం వ‌హించాడు.కేర‌ళ‌కు సీఏం అయిన ఓ క‌మ్యూనిస్ట్ పార్టీ లీడ‌ర్ జీవితంలో ఎదురైన సంఘ‌ట‌న‌ల నుంచి స్ఫూర్తి పొందుతూ ద‌ర్శ‌కుడు ఈ మూవీని తెర‌కెక్కించాడు.

జ‌న‌ధీప‌న్‌…

జ‌నాధీప‌న్ మూవీ 2019లో మ‌ల‌యాళంలో రిలీజైంది. ఈ సినిమా ట్రైల‌ర్‌, టీజ‌ర్‌లో సీఏం పాత్ర‌ను నెగెటివ్ షేడ్స్‌లో చూపించ‌డంపై మ‌ల‌యాళంలో విమ‌ర్శ‌లొచ్చాయి. ఓ ఫేమ‌స్ పొలిటిక‌ల్ లీడ‌ర్ ప‌ట్ల ప్ర‌జ‌ల్లో ఉన్న అభిమానాన్ని, ఆయ‌న‌కు ఉన్న పాపులారిటీకి వ్య‌తిరేకంగా తీసిన సినిమా ఇదంటూ విమ‌ర్శ‌లొచ్చాయి. దాంతో ఇది రియ‌ల్ లైఫ్ స్టోరీ కాద‌ని, తాము ఫిక్ష‌న‌ల్‌గా రాసుకున్న క‌థ అంటూ మేక‌ర్స్ ప్ర‌క‌టించారు.

క‌న్నూర్ విశ్వం సీఏం అయితే…

కేర‌ళ‌ను అభివృద్ధి చేయాల‌నే సంక‌ల్పంతో సీఏంగా అధికారాన్ని చేప‌డ‌తాడు క‌న్నూర్ విశ్వం. జ‌న‌సేనానిగా ప్ర‌జ‌ల్లో మంచి పేరు తెచ్చుకుంటాడు. ప్ర‌త్య‌ర్థులు ప‌న్నాగాల కార‌ణంగా ఓ మ‌ర్డ‌ర్ కేసులో అనుమానితుడిగా క‌న్నూర్ విశ్వంపై ఆరోప‌ణ‌లు వ‌స్తాయి?

త‌న అధికారాన్ని నిల‌బెట్టుకోవ‌డానికి క‌న్నూర్ విశ్వం ఏం చేశాడు? ప్రత్య‌ర్థుల కుట్ర‌ల‌ను ఎలా తిప్పికొట్టాడు? అన్న‌దే జ‌న‌సేనాని మూవీ క‌థ‌. జ‌న‌సేనాని మూవీకి మిజో జోసెఫ్ మ్యూజిక్ అందిస్తోన్నాడు. హ‌రిప్ర‌శాంత్‌, సునీల్ సుఖ‌డ‌, కొట్టాయం ప్ర‌దీప్ ఈ మూవీలో కీల‌క పాత్ర‌లు పోషిస్తున్నారు. మ‌ల‌యాళంలో ఈ మూవీ బాక్సాఫీస్ వ‌ద్ద యావ‌రేజ్‌గా నిలిచింది.

తెలుగులో…

హ‌రీష్ పేర‌డి మ‌ల‌యాళం, త‌మిళంతో పాటు తెలుగులోనూ ప‌లు సినిమాల్లో క్యారెక్ట‌ర్ ఆర్టిస్ట్‌గా, విల‌న్‌గా న‌టించాడు. తెలుగులో ధ‌నుష్ సార్‌, మ‌హేష్‌బాబు స్పైడ‌ర్‌, మిష‌న్ ఇంపాజిబుల్‌తో పాటు మ‌రికొన్ని సినిమాలు చేశాడు. త‌మిళ, మ‌ల‌యాళంలో బిజీ ఆర్టిస్ట్‌గా కొన‌సాగుతోన్నాడు.సీరియ‌ల్ ఆర్టిస్ట్‌గా హ‌రీష్ పేర‌డి న‌ట ప్ర‌యాణం మొద‌లైంది. బుల్లితెర డిఫ‌రెంట్ రోల్స్ చేస్తూ సినిమాల్లోకి ఎంట్రీ ఇచ్చాడు.