యూనియన్ పబ్లిక్ సర్వీస్ కమిషన్ త్వరలో యూపీఎస్సీ ఎన్డీఏ, ఎన్ఏ 1 ఫలితాలను విడుదల చేయనుంది. నేషనల్ డిఫెన్స్ అకాడమీ అండ్ నేవల్ అకాడమీ ఎగ్జామినేషన్ (1) 2025కు హాజరైన అభ్యర్థులు upsc.gov.in యూపీఎస్సీ అధికారిక వెబ్​సైట్​లో తమ స్కోర్లను చూసుకోవచ్చు. ప్రత్యామ్నాయంగా, ఈ ఫలితాలను upsconline.gov.in కూడా చెక్​ చేసుకోవచ్చు. పూర్తి వివరాలను ఇక్కడ తెలుసుకోండి..

యూపీఎస్సీ ఎన్డీఏ ఫలితాలు 2025- డౌన్​లోడ్ చేసుకోవడం ఎలా?

1. upsc.gov.in యూపీఎస్సీ అధికారిక వెబ్​సైట్​ని సందర్శించండి.

2. హోమ్ పేజీలో అందుబాటులో ఉన్న యూపీఎస్సీ ఎన్డీఏ, ఎన్ఏ 1 రిజల్ట్స్ 2025 లింక్​పై క్లిక్ చేయండి.

3. అభ్యర్థులు లాగిన్ వివరాలను నమోదు చేయాల్సిన కొత్త పేజీ ఓపెన్ అవుతుంది.

4. సబ్మిట్​ బటన్​ క్లిక్ చేస్తే మీ రిజల్ట్స్ డిస్​ప్లే అవుతాయి.

5. ఫలితాలను చెక్ చేసి పేజీని డౌన్​లోడ్​ చేసుకోవాలి.

6. తదుపరి అవసరాల కోసం దాని హార్డ్ కాపీని తీసిపెట్టుకోండి.

యూపీఎస్సీ ఎన్డీఏ ఎన్ఏ 1 పరీక్షలు 2025 ఏప్రిల్ 13, 2025న జరిగాయి. ఈ పరీక్షలో మ్యాథ్స్, జనరల్ ఎబిలిటీ అనే రెండు సబ్జెక్టులు ఉంటాయి. ఒక్కో పేపర్ వ్యవధి 2 గంటల 30 నిమిషాలు. అన్ని సబ్జెక్టుల పేపర్లలో ఆబ్జెక్టివ్ తరహా ప్రశ్నలు మాత్రమే ఉంటాయి. గణితం, జనరల్ ఎబిలిటీ పరీక్ష ప్రశ్నపత్రాలను హిందీతో పాటు ఇంగ్లిష్​లోనూ రూపొందించారు.

యూపీఎస్సీ ఎన్డీఏ ఎన్ఏ 1 పరీక్షల రిజిస్ట్రేషన్​ 2025 డిసెంబర్ 11 నుంచి 2025 జనవరి 1 వరకు జరిగాయి.

ఈ రిక్రూట్​మెంట్​ ఎగ్జామ్ ద్వారా యూపీఎస్సీ మొత్తం 406 ఎన్డీఏ ఎన్ఏ ఖాళీలను భర్తీ చేయనుంది.

మరిన్ని వివరాలకు అభ్యర్థులు యూపీఎస్సీ అధికారిక వెబ్​సైట్​ని చూడాలని అధికారులు సూచించారు.

ఇక యూపీఎస్సీ సివిల్​ సర్వీసెస్​ ఫైనల్​ రిజల్ట్​ ఇటీవలే వెలువడ్డాయి. మొత్తం 1056 పోస్టుల భర్తీకి ఈ రిక్రూట్​మెంట్​ ప్రక్రియను చేపట్టారు.