Best Web Hosting Provider In India 2024
రాత్రిపూట తగినంత నిద్ర లేకపోవటం లేదా సరిగ్గా నిద్రపోకపోవటం అనేది మీ పనిని మాత్రమే కాకుండా మీ ఆరోగ్యాన్ని కూడా ప్రభావితం చేస్తుంది. మొత్తం దినచర్యకు అంతరాయం కలిగిస్తుంది. ఈ సమస్యపై దృష్టి పెట్టడం అవసరం. మీకు తరచుగా ఈ సమస్య ఉంటే మీరు తప్పనిసరిగా వైద్యుడిని సంప్రదించాలి. మీ ఆహారంలో కొన్నింటిని చేర్చుకోవాలి. ఇది మీకు మంచి నిద్రను పొందడంలో సహాయపడుతుంది.
ట్రెండింగ్ వార్తలు
రాత్రి పడుకునే ముందు ఒక గ్లాసు గోరువెచ్చని పాలు తాగాలి. ఇది మీకు కాల్షియం ఇవ్వడమే కాదు, ఇందులో ఉండే ట్రిప్టోఫాన్, సెరోటోనిన్ కూడా మీకు బాగా నిద్రపోవడానికి సహాయపడుతుంది.
చెర్రీస్ తినడం మీకు ప్రయోజనకరంగా ఉంటుంది. చెర్రీస్‌లో మెలటోనిన్ పుష్కలంగా ఉంటుంది. ఇది మంచి నిద్రకు ఉపయోగపడుతుంది. నిపుణుల అభిప్రాయం ప్రకారం, పడుకునే ముందు కొన్ని చెర్రీస్ తినడం వల్ల నిద్ర మెరుగుపడుతుంది. కావాలంటే చెర్రీ జ్యూస్ కూడా తాగొచ్చు.
బాదంపప్పు తినడం మొత్తం ఆరోగ్యానికి అలాగే మెదడుకు చాలా ఉపయోగకరంగా ఉంటుంది. ప్రతిరోజూ కొన్ని బాదంపప్పులు తినడం వల్ల మీకు మేలు చేకూరుతుంది. ఇందులో మెగ్నీషియం పుష్కలంగా ఉంటుంది. ఇది ఒత్తిడిని తగ్గిస్తుంది. మీరు బాగా నిద్రపోవడానికి సహాయపడుతుంది.
మనిషి తన వయసుకు తగ్గట్టుగా నిద్రపోవాలి. రాత్రిపూట సరిగా నిద్ర రాకుంటే నిర్లక్ష్యం చేయవద్దు. తరువాత అది పెద్ద సమస్యగా మారుతుంది. అందుకే సమయానికి తగ్గట్టుగా నిద్రపోవాలి. నిజానికి, మీ వయస్సు మీరు పొందవలసిన నిద్రను నిర్ణయిస్తుంది. వయస్సుకు తగిన గంటలు నిద్రపోవాలి. ఇలా చేయకపోతే మానసిక సమస్యలు పెరుగుతాయి. రక్తపోటు, షుగర్ వంటి వ్యాధులు వస్తాయి. ఇది కాకుండా, కాలేయం, మూత్రపిండాల వ్యాధులు కూడా సంభవించవచ్చు.
మీరు మంచి నిద్రను పొందాలనుకుంటే, ఒత్తిడి లేకుండా ఉండాలనుకుంటే, మీరు చేయవలసిన మొదటి విషయం ఏమిటంటే మీ దినచర్యలో వ్యాయామాన్ని చేర్చడం. నిద్రలేమి ఎక్కువ కాలం ఇబ్బంది పెడితే వ్యాయామంతో సరిదిద్దుకోవచ్చు. అన్నింటికంటే మీరు మంచి నిద్ర కోసం బయోలాజికల్ క్లాక్ సెట్ చేయాలి. మీ నిద్రవేళ, మేల్కొనే సమయాలను చూసుకోవాలి. మంచి నిద్రను పొందాలనుకుంటే, మీ మొబైల్‌ను మీ దగ్గర ఉంచుకోవద్దు. కథలు చదవడం, మంచి పుస్తకాలు చదవడం ప్రయత్నించండి. ఇది మీకు నిద్రపోవడానికి సహాయపడుతుంది. పైవి పాటిస్తే.. పడుకున్న పది నిమిషాల్లో నిద్రపడుతుంది.
