Best Web Hosting Provider In India 2024
బంగారం ధర తగ్గింది కదా. ఏవైనా ఆభరణాలు చేయించుకోవాలనే ఆలోచన వస్తూనే ఉంటుంది. అలాంటి ఆలోచన మీకూ ఉంటే చాలా తక్కువ బరువులో.. చెప్పాలంటే కేవలం 5 నుంచి 10 గ్రాముల లోపే బంగారంతో నల్లపూసలు చేయించుకోవచ్చు. నల్లపూసల ఫ్యాంటసీ చాలా మందికి ఉంటుంది. ఎన్నున్నా కొత్తవి కొనాలనిపిస్తుంది. మీకూ ఇష్టం ఉంటే ఇప్పుడు ట్రెండ్ అవుతున్న నల్ల పూసల డిజైన్లు లేదా బ్లాక్ బీడ్స్ డిజైన్లు ఫొటోలతో సహా చూసేయండి. ఇవన్నీ తులం బరువుకన్నా తక్కువలోనే చేయించుకోవచ్చు. అవసరం అయితే సేవ్ చేసి పెట్టుకోండి.
పెండెంట్ బ్లాక్ బీడ్స్:
పైన ఫోటోలో ఉన్నట్లు ఏదైనా రంగు రాయి ఉన్న పెండెంట్స్ ఇప్పుడు ఫ్యాషన్. మీ బడ్జెట్ బట్టి వీటిలో నిజమైన పచ్చలు, కెంపులు పెట్టి చేయించుకోవచ్చే. లేదంటే సెమీ ప్రీషియస్ రాళ్లు ఉంటాయి. వాటి ధర తక్కువే. మధ్యలో సింగిల్ పెండెంట్ లేదా చుట్టూ రెండు మూడు స్టోన్స్ వచ్చేలాగా చేయించుకున్నా బాగుంటుంది. మీకు నచ్చిందేమో చూడండి.
పెండెంట్ వరసతో నల్లపూసలు:
ఎన్ని రోజులైనా ట్రెండ్ తగ్గని డిజైన్లలో ఈ మోడల్ కూడా ఒకటి. నల్ల పూసల మధ్యలో చిన్ని రంగు రంగుల స్టోన్స్ పెండెంట్స్ ఉంటాయి. నీటి బిందువు ఆకారంలో ఉండే ఈ పెండెంట్స్ వల్ల నల్లపూసలకు మంచి లుక్ ఉంటుంది. వీటిని కేవలం ఒకే రంగు స్టోన్స్ తో కాకుండా, మల్టీ కలర్ స్టోన్స్ తోనూ చేయించుకోవచ్చు. మెడమీద చక్కగా మెరిసిపోతాయివి. కేవలం ఏడెనిమిది గ్రాముల్లో వీటిని చేయించుకోవచ్చు.
దేవుడి పెండెంట్ తో నల్లపూసలు:
లక్ష్మి, కృష్ణుడు, వినాయకుడు.. ఇలా చాలా రకాల దేవతా మూర్తుల పెండెంట్స్ తో నల్లపూసలు చేయించుకోవచ్చు. వీటిలో యాంటిక్ రకాలూ ఉంటున్నాయి. బరువు కూడా రెండు మూడు గ్రాముల కన్నా ఎక్కువుండదు. స్టోన్స్, రత్నాలు పొదిగిన పెండెంట్లు మంచి లుక్ తో ఉంటాయి. వీటి బరువు 5 గ్రాముల దాకా ఉంటాయి.
అక్షరాలతో:
భర్త పేరులో మొదటి అక్షరం లేదా మీ పేరులో మొదటి అక్షరం వచ్చేలాగా పెండెంట్ చేయించుకోవచ్చు. దాన్ని బ్లాక్ బీడ్స్ తో వేసుకోవచ్చు. మునుపటిలా కాకుండా ఇప్పుడు చాలా అర్థం ఉండేలా అక్షరాల పెండెట్స్ దొరుకుతున్నాయి. హృదయాకారం, గుండె చప్పుడు, మంచి ఆకారం.. వచ్చేలా వాటిని తయారు చేస్తున్నారు. ఈ పెండెంట్స్ బరువు మూడు నాలుగు గ్రాముల కన్నా ఎక్కువుండదు.
రెండు వరసల బ్లాక్ బీడ్స్:
సింపుల్ గా కాకుండా కాస్త హెవీ లుక్ కావాలనుకుంటే రెండు లేదా మూడు వరసలుండే బ్లాక్ బీడ్స్ చేయించుకోవచ్చు. ఇప్పుడు ఇవి చాలా ట్రెండింగ్ అనే చెప్పాలి. సింగిల్ పెండెంట్ వచ్చేలా, లేదా చిన్న స్టోన్ వచ్చేలా చేయించుకోవచ్చు. ఇక నల్లపూసలు తక్కువగా ఉండి బంగారం గొలుసు ఎక్కువగా కనిపించేలానూ డిజైన్ చేసుకోవచ్చు. రెండు వరసల్లో చేయించుకుంటే ఒక వరసలో పూర్తిగా నల్లపూసలు, మరో వరసలో ఏం లేకుండా స్టోన్స్ వచ్చేలా చేయించుకున్నా బాగుంటుంది. వీటి బరువు కూడా పది గ్రాముల దాకా ఉంటుందంటే.
