11 ఏళ్ల బాలికపై అత్యాచారం చేసి వీడియో ఆన్‌లైన్‌లో పోస్ట్ చేసిన కీచకుడు

బల్లియా(యూపీ), ఆగస్టు 16: 11 ఏళ్ల బాలికపై అత్యాచారానికి పాల్పడి, ఆ ఘటనకు సంబంధించిన వీడియోను ఆన్‌లైన్‌లో పోస్ట్ చేసిన వ్యక్తిని పోలీసులు అరెస్టు చేశారు. యూపీలోని బల్లియాలో ఈ ఘటన జరిగింది.

ఆ మైనర్ బాలిక ఆగస్టు 6న స్నేహితుడి ఇంటికి వెళ్లినప్పుడు ఈ ఘటన జరిగిందని పోలీసులు తెలిపారు. నిందితుడు ఆ ప్రాంతంలోనే ఉన్నాడని పోలీసులు తెలిపారు.

ఈ ఘటనకు సంబంధించిన వీడియోను నిందితుడు ఆన్‌లైన్ ప్లాట్‌ఫామ్‌లో పోస్ట్ చేయడంతో ఆదివారం కేసు నమోదు చేసినట్లు పోలీసులు తెలిపారు.

మైనర్ బాలికపై అత్యాచారం కేసులో నిందితుడు కల్లు (20)ను అరెస్టు చేసినట్లు ఆ ప్రాంత సర్కిల్ ఆఫీసర్ మహ్మద్ ఫహీమ్ ఖురేషి తెలిపారు. కల్లును గురువారం అరెస్టు చేసి జైలుకు పంపినట్లు ఖురేషీ తెలిపారు.