Best Web Hosting Provider In India 2024
2024 అమెరికా అధ్యక్ష ఎన్నికలు సమీపిస్తున్న తరుణంలో డెమొక్రటిక్, రిపబ్లికెన్ పార్టీ అభ్యర్థులు ప్రజలను ఆకర్షించేందుకు తమ సాయశక్తులా కృషి చేస్తున్నారు. ఇందులో భాగంగా, రిపబ్లికెన్ పార్టీ అభ్యర్థి, మాజీ అధ్యక్షుడు డొనాల్డ్ ట్రంప్.. పెన్సిల్వేనియాలోని ఓ మెక్డొనాల్డ్స్ స్టోర్లో ఫ్రెంచ్ ఫ్రైస్ చేశారు. తాను స్టూడెంట్గా ఉన్నప్పుడు మెక్డీలో పనిచేశానని ప్రచారాలు చేస్తున్న డెమొక్రటిక్ పార్టీ అభ్యర్థి, ప్రస్తుత ఉపాధ్యక్షురాలు కమలా హారిస్కి ట్రంప్ ఈ విధంగా కౌంటర్ ఇచ్చారు!
మెక్డొనాల్డ్స్లో డొనాల్డ్ ట్రంప్..
పెన్సిల్వేనియాలోని ఓ మెక్డీ స్టోర్కి ఆదివారం వెళ్లిన ట్రంప్, ఫ్రైస్ తయారు చేశారు. అనంతరం డ్రైవ్-థ్రూ విండోలో విలేకరుల సమావేశం ఏర్పాటు చేసి పలు ప్రశ్నలకు సమాధానమిచ్చారు.
రిపోర్టర్లు, సహాయకులు చూస్తుండగానే ఓ ఉద్యోగి ఫ్రైస్ బుట్టలను నూనెలో ముంచి, ఫ్రైస్కు ఉప్పు వేసి, స్కూప్ ఉపయోగించి బాక్సుల్లో ఎలా వేయాలో ట్రంప్కు చూపించాడు. ఫాస్ట్ఫుడ్ కు వీరాభిమాని అయిన ట్రంప్ తన చేతులతో ఫ్రైస్ను తాకాల్సిన అవసరం రాకపోవడంపై విస్మయం వ్యక్తం చేశారు.
“వాస్తవానికి, దానిని సరిగ్గా చేయడానికి, వేగంగా చేయడానికి చాలా నైపుణ్యం అవసరం,” అని ట్రంప్ నవ్వుతూ తన సూట్ జాకెట్ని పక్కన పెట్టి, తన చొక్కా, టైపై ఏప్రాన్ ధరించి పనిలో పడ్డారు.
కాలేజీలో ఉన్నప్పుడు ఫాస్ట్ఫుడ్ చైన్లో పనిచేశారనే ప్రచారంపై డెమొక్రటిక్ అభ్యర్థి కమలా హారిస్ కథనాలను తిప్పికొట్టడానికి ట్రంప్ ఈ ప్రయత్నాలు చేస్తున్నారు. అంతేకాదు, కమలా హారిస్ మెక్డీలో పనిచేయలేదని, తప్పుడు కథలు చెబుతున్నారని అసలు ఆధారాలేవీ చూపించకుండా ట్రంప్ వ్యాఖ్యానించారు.
డ్రైవ్ థ్రూ లేన్లో ప్రజలకు టేకౌట్ బ్యాగులు ఇచ్చిన తర్వాత, ట్రంప్ కిటికీలోంచి బయటకు వంగి, ఇంకా ఏప్రాన్ ధరించి, బయట మీడియా అడిగిన ప్రశ్నలకు సమాధానమిచ్చారు. తన 2020 ఎన్నికల ఓటమి గురించి నిరంతరం అసత్యాలను ప్రచారం చేస్తున్న మాజీ అధ్యక్షుడు, “ఇది నిష్పాక్షిక ఎన్నికలు అయితే” వచ్చే నెల ఓట్ల ఫలితాలను గౌరవిస్తానని చెప్పారు.
ఆదివారం కమలా హ్యారిస్ తన 60వ పుట్టినరోజును జరుపుకున్నారు. ఈ నేపథ్యంలో ఆమెకు ఏ సందేశం ఇస్తారని ఓ రిపోర్టర్ అడిగిన ప్రశ్నకు ట్రంప్ సమాధానమిస్తూ.. ‘హ్యాపీ బర్త్ డే కమలా’ అని చెబుతానని చెప్పారు.
“మెక్డొనాల్డ్ ఉద్యోగులను చూసిన తర్వాత కనీస వేతనాల పెంపునకు మద్దతిస్తారా?” అన్న ప్రశ్నకు మాత్రం ట్రంప్ సూటిగా సమాధానం ఇవ్వలేదు. బాగా పనిచేస్తున్నారు అని మాత్రమే చెప్పారు.
“వీళ్లు చాలా కష్టపడతారు. వీళ్లు నిజంగా గ్రేట్,” అని అన్నారు.
కమలా హారిస్ మెక్డొనాల్డ్స్లో పనిచేశారా?
కాలేజీలో ఉన్నప్పుడు మెక్డొనాల్డ్స్లోని క్యాష్ రిజిస్టర్లో పనిచేసినట్టు, ఫ్రైస్ తయారు చేయడం వంటి సమ్మర్ జాబ్స్ చేసిన హ్యారిస్ చెప్పారు. ఈ కథను ట్రంప్ చాలా కాలంగా ప్రశ్నిస్తున్నారు. ఉపాధ్యక్షులు అక్కడ పనిచేయడం గురించి అబద్ధాలు చెప్పారని, కానీ అందుకు ఆధారాలు చూపలేదని ట్రంప్ అన్నారు.
40 ఏళ్ల క్రితం మెక్డొనాల్డ్ రెస్టారెంట్లలో ఒకదానికి ఉద్యోగ రికార్డులు ఉన్నాయా అనే సందేశానికి మెక్డొనాల్డ్ ప్రతినిధులు స్పందించలేదు.
సంబంధిత కథనం
Best Web Hosting Provider In India 2024
Source link
