Best Web Hosting Provider In India 2024
Bold OTT: త్రిప్తి డిమ్రి హీరోయిన్‌గా న‌టించిన విక్కీ విద్యా కా వో వాలా వీడియో ఓటీటీలోకి వ‌చ్చేస్తోంది. నెట్‌ఫ్లిక్స్‌లో ఈ మూవీ స్ట్రీమింగ్ కాబోతోంది. ఈ బాలీవుడ్ రొమాంటిక్ కామెడీ మూవీలో రాజ్‌కుమార్ రావ్ హీరోగా న‌టించాడు. రాజ్ శాండిల్య ద‌ర్శ‌క‌త్వం వ‌హించాడు.
యావ‌రేజ్ కానీ…
అక్టోబ‌ర్ 11న థియేట‌ర్ల‌లో రిలీజైన ఈ బాలీవుడ్ మూవీ యావ‌రేజ్ టాక్‌ను సొంతం చేసుకున్న‌ది. దాదాపు అర‌వై కోట్ల బ‌డ్జెట్‌తో రూపొందిన ఈ సినిమా యాభై కోట్ల వ‌ర‌కు వ‌సూళ్ల‌ను రాబ‌ట్టింది. అయితే ఓటీటీ, శాటిలైట్ రైట్స్ కార‌ణంగా నిర్మాత‌లు మాత్రం భారీగానే లాభాల‌ను సొంతం చేసుకున్న‌ట్లు స‌మాచారం.
డిసెంబ‌ర్ 6 నుంచి….
విక్కీ విద్యా కా వో వాలా వీడియో ఓటీటీ హ‌క్కుల‌ను దాదాపు ఇర‌వై ఐదు కోట్ల‌కు నెట్‌ఫ్లిక్స్ ద‌క్కించుకున్న‌ట్లు స‌మాచారం. ఈ బోల్డ్ మూవీ డిసెంబ‌ర్ 6 నుంచి నెట్‌ఫ్లిక్స్‌లో స్ట్రీమింగ్ కాబోతున్న‌ట్లు చెబుతోన్నారు. హిందీతో పాటు తెలుగు, త‌మిళం, మ‌ల‌యాళం, క‌న్న‌డ…ఐదు భాష‌ల్లో విక్కీ విద్యా కా వో వాలా వీడియో మూవీ స్ట్రీమింగ్ కానున్న‌ట్లు చెబుతోన్నారు.
మ‌ల్లికా షెరావ‌త్‌…
విక్కీ విద్యా కా వో వాలా వీడియో మూవీలో మ‌ల్లికా షెరావ‌త్‌, విజ‌య్ రాజ్, మ‌స్త్ అలీ కీల‌క పాత్ర‌లు పోషించారు. దాదాపు రెండేళ్ల గ్యాప్ త‌ర్వాత ఈ బోల్డ్ మూవీతో బాలీవుడ్‌లోకి రీఎంట్రీ ఇచ్చింది మ‌ల్లికా షెరావ‌త్‌.
ఫ‌స్ట్ నైట్ సీడీ మిస్స‌యితే…
విక్కీ (రాజ్‌కుమార్ రావ్), విద్యా( త్రిప్తి డిమ్రి) కొత్త‌గా పెళ్ల‌వుతుంది. త‌మ ఫ‌స్ట్ నైట్‌ను రికార్డ్ చేసి ఓ సీడీలో భ‌ద్ర‌ప‌రుస్తారు.
విక్కీ, విద్యా ఇంట్లో లేని టైమ్‌లో దొంగ‌లు ప‌డి ఆ సీడీని ఎత్తుకెళ‌తారు. ఆ సీడీని విక్కీ, విద్యా తిరిగి ఎలా ద‌క్కించుకున్నారు?ఈ క్ర‌మంలో వారు ఎదుర్కొన్నే క‌ష్టాల‌కు ఫ‌న్‌, రొమాన్స్ అంశాల‌ను జోడించి ద‌ర్శ‌కుడు రాజ్ శాండిల్య ఈ మూవీని తెర‌కెక్కించాడు.
హార‌ర్ కామెడీ మూవీ…
విక్కీ విద్యా కా వో వాలా వీడియో త‌ర్వాత భూల్ భుల‌య్య 3తో ఇటీవ‌లే ప్రేక్ష‌కుల‌ను ప‌ల‌క‌రించింది త్రిప్తి డిమ్రి. హార‌ర్ కామెడీ క‌థాంశంతో తెర‌కెక్కిన ఈ మూవీ బాక్సాఫీస్ వ‌ద్ద భారీగా వ‌సూళ్ల‌ను రాబ‌డుతోంది. ఏడు రోజుల్లోనే 200 కోట్ల‌కుపైగా క‌లెక్ష‌న్స్ రాబ‌ట్టి బ్లాక్‌బ‌స్ట‌ర్ హిట్‌గా నిలిచింది. కార్తీక్ ఆర్య‌న్ హీరోగా న‌టించిన ఈ మూవీలో సీనియ‌ర్ హీరోయిన్లు మాధురీ దీక్షిత్‌, విద్యా బాల‌న్ కీల‌క పాత్ర‌లు పోషించారు. ప్ర‌స్తుతం ధ‌డ‌క్ 2తో పాటు మ‌రో మూడు బాలీవుడ్ సినిమాల్లో హీరోయిన్‌గా క‌నిపించ‌బోతున్న‌ది త్రిప్తి డిమ్రి.
