Best Web Hosting Provider In India 2024
Kanguva Twitter Review: సూర్య కెరీర్‌లోనే భారీ బ‌డ్జెట్ మూవీగా తెర‌కెక్కిన కంగువ గురువారం త‌మిళం, తెలుగు, హిందీతో పాటు మిగిలిన ద‌క్షిణాది భాష‌ల్లో రిలీజైంది. పీరియాడిక‌ల్ యాక్ష‌న్ థ్రిల్ల‌ర్ క‌థాంశంతో తెర‌కెక్కిన ఈ సినిమాకు శివ ద‌ర్శ‌క‌త్వం వ‌హించాడు. దిశా ప‌టానీ హీరోయిన్‌గా న‌టించిన ఈ మూవీలో యానిమ‌ల్ ఫేమ్ బాడీ డియోల్ విల‌న్‌గా క‌నిపించాడు. కంగువ ఓవ‌ర్‌సీస్ ప్రీమియ‌ర్స్ టాక్ ఏంటంటే?
ఐదు గెట‌ప్‌ల‌లో…
కంగువ సినిమాలో 1678 కాలానికి చెందిన కంగువ అనే పోరాట‌యోధుడిగా, నేటి త‌రానికి చెందిన ఫ్రాన్సిస్ అనే యువ‌కుడిగా డ్యూయ‌ల్ రోల్‌లో సూర్య అస‌మాన న‌ట‌న‌తో అద‌ర‌గొట్టాడ‌ని నెటిజన్లు చెబుతోన్నారు. ఈ మూవీలో సూర్య మొత్తం ఐదు గెట‌ప్‌ల‌లో క‌నిపిస్తాడ‌ని, ఈ క్యారెక్ట‌ర్స్ మ‌ధ్య చూపించిన వేరియేష‌న్‌, మ్యాన‌రిజ‌మ్స్ ఆక‌ట్టుకుంటాయ‌ని అంటున్నారు.
సూర్య వ‌న్ మెన్ షో…
సూర్య వ‌న్ మెన్ షోగా కంగువ మూవీ నిలుస్తుంద‌ని ఓ నెటిజన్లు కామెంట్ చేస్తోన్నారు. కంగువ క్యారెక్ట‌ర్‌లో సూర్య ఎంట్రీ గూస్‌బంప్స్‌ను క‌లిగిస్తుంద‌ని పేర్కొంటున్నారు. కంగువ వ‌ర‌ల్డ్‌లోకి ఎంట‌ర్ కావ‌డానికి డైరెక్ట‌ర్ శివ కొంత టైమ్ తీసుకున్నార‌ని, ఆ ప్ర‌పంచంలోకి అడుగుపెట్టిన త‌ర్వాత సినిమా మొత్తం నెక్స్ట్ లెవెల్‌లో ఉంటుంద‌ని ఓ నెటిజ‌న్ అన్నాడు.
యాక్ష‌న్ సీక్వెన్స్‌లు…
యాక్ష‌న్ సీక్వెన్స్‌లు, వీఎఫ్ఎక్స్ అదిరిపోయాయ‌ని చెబుతోన్నారు. సూర్య‌కు ధీటైన పాత్ర‌లో బాబీ డియోల్ యాక్టింగ్ బాగుంద‌ని చెబుతోన్నారు. ముఖ్యంగా కంగువ మూవీలో కార్తి ఎంట్రీ స‌ర్‌ప్రైజింగ్‌గా అనిపిస్తుంద‌ని కామెంట్స్ చేస్తోన్నారు. కంగువ సెకండ్ పార్ట్ ఎలా ఉండ‌బోతుంద‌నే హింట్‌ను కార్తి పాత్ర ద్వారా రివీల్ చేసి ఆడియెన్స్‌లో డైరెక్ట‌ర్‌గా ఎగ్జైట్‌మెంట్‌ను క్రియేట్‌చేశాడ‌ని చెబుతోన్నారు.
కంగువ బ్లాక్బస్టర్…
దేవిశ్రీప్ర‌సాద్ బీజీఎమ్ ఈ సినిమాకు ప్రాణం పోసింద‌ని అంటున్నారు. కంగువ క్యారెక్ట‌ర్ క‌నిపించే ప్ర‌తిసారి వినిపించే బీజీఎమ్ ఆడియెన్స్‌లో జోష్‌ను క‌లిగిస్తుంద‌ని చెబుతోన్నారు. కంగువ బ్లాక్బస్టర్ అని, వెయ్యి కోట్ల‌కుపైగా క‌లెక్ష‌న్స్ రాబ‌ట్ట‌డం ఖాయ‌మ‌ని మ‌రో నెటిజ‌న్ కామెంట్ చేశాడు.
ఎంట్రీ బాగున్నా ఫ‌స్ట్‌హాఫ్‌లోని చాలా సీన్స్ క‌థ‌కు సంబంధం లేకుండా వ‌చ్చి ఇరిటేటింగ్ చేస్తాని మ‌రో నెటిజ‌న్ తెలిపాడు.
కంగువ మూవీలో దిశా ప‌టానీ హీరోయిన్‌గా న‌టించింది. కేఈ జ్ఞాన‌వేల్ రాజా ఈ మూవీని ప్రొడ్యూస్ చేశాడు.
