Tollywood: ర‌ణం సినిమాతో డైరెక్ట‌ర్‌గా టాలీవుడ్‌లోకి ఎంట్రీ ఇచ్చాడు కొరియోగ్రాఫ‌ర్ అమ్మ రాజ‌శేఖ‌ర్‌. కొంత గ్యాప్ త‌ర్వాత అమ్మ రాజ‌శేఖ‌ర్ మ‌ళ్లీ మెగాఫోన్ ప‌ట్టాడు. త‌ల పేరుతో ఓ మూవీని తెర‌కెక్కిస్తోన్నాడు. ఈ సినిమా ద్వారా అమ్మ రాజ‌శేఖ‌ర్ త‌న‌యుడు అమ్మ రాగిన్ రాజ్ హీరోగా టాలీవుడ్‌లోకి ఎంట్రీ ఇస్తోన్నాడు. త‌ల మూవీ ట్రైల‌ర్‌ బిగ్‌బాస్ సోహెల్‌, హీరో అశ్విన్ రిలీజ్ చేశారు.

ధ‌నుష్ అవుతాడు…

ఈ ట్రైల‌ర్ లాంఛ్ ఈవెంట్‌లో బిగ్‌బాస్ సోహెల్ మాట్లాడుతూ అమ్మ రాజశేఖర్ నాకు డ్యాన్స్ బేబీ డ్యాన్స్ నుంచి తెలుసు. తరువాత బిగ్‌బాస్ కంటెస్టెంట్‌గా క‌లిసి కొన్నాళ్లు జ‌ర్నీ చేశాం. రణం సినిమా తర్వాత ఈ మూవీ అమ్మ రాజ‌శేఖ‌ర్‌కు మంచి క‌మ్‌బ్యాక్ అనిపిస్తోంది. రాగిన్ ఇండ‌స్ట్రీకి నెక్ట్స్ ధనుష్ అవుతాడు అని అన్నాడు. త‌క్కువ బ‌డ్జెట్‌లో మంచి క్యాలిటీతో , కంటెంట్‌తో ఈ మూవీ తీశార‌ని హీరో అశ్విన్ చెప్పాడు.

వారికి స‌మాధానం…

అమ్మ రాజశేఖర్ మాట్లాడుతూ.. ‘ఇండస్ట్రీలో అంతా అమ్మ రాజశేఖర్ ప‌నైపోయింది ఇక సినిమాలు చేయ‌డం క‌ష్ట‌మ‌ని అన్నారు. అలాంటి వారికి త‌ల స‌మాధానంగా ఉంటుంది.ఆ త‌ర్వాత కూడా సినిమాలు చేస్తా. నా కొడుకు రాగిన్ రాజ్‌తో సినిమా చేయాలనే క‌ల ఈ మూవీతో తీరింది. రెగ్యుల‌ర్ ల‌వ్‌స్టోరీస్ కాకుండా రాగిన్‌తో మంచి మాస్ తీయాలనుకున్నా. కొత్త పాయింట్‌తో ఈ మూవీ చేశాం. ఈ సినిమాలో ఓ పాట‌కు త‌మ‌న్ మ్యూజిక్ అందించారు. శ్యామ్ కే నాయుడు విజువ‌ల్స్ ఎక్స్‌ట్రార్డిన‌రీగా ఉంటాయి అని తెలిపాడు.

సెంటిమెంట్‌తో పాటు…

త‌ల్లి సెంటిమెంట్‌తో పాటు ల‌వ్‌, యాక్ష‌న్ అంశాల‌తో మాస్ ట్రీట్‌లా ఈ మూవీ ఉంటుంద‌ని రాగిన్ రాజ్ అన్నాడు. ఫిబ్ర‌వ‌రి 14న వ‌య‌లెంట్ వాలెంటైన్స్ డే త‌ల‌తో నిలుస్తుంద‌ని తెలిపాడు. ఈ సినిమా కోసం అమ్మ‌నాన్న‌లు ప‌డిన క‌ష్టానికి త‌ప్ప‌కుండా ప్ర‌తిఫ‌లం ద‌క్కుతుంద‌నే న‌మ్మ‌క‌ముంద‌ని రాగిన్ రాజ్‌ చెప్పాడు.

బెంగాళీ న‌టి…

త‌న కెరీర్ గ్రాఫ్‌ను డ‌బుల్‌, ట్రిపుల్ చేసే సినిమా ఇద‌ని, ఇందులో డిఫ‌రెంట్ షేడ్స్‌తో కూడిన డిఫ‌రెంట్ క్యారెక్ట‌ర్ చేశాన‌ని ఎస్తేర్ నూరోన్హా తెలిపింది. త‌ల మూవీతో బెంగాలీ న‌టీ అంకిత హీరోయిన్‌గా టాలీవుడ్‌లోకి ఎంట్రీ ఇస్తోంది. ఫిబ్ర‌వ‌రి 14న తెలుగుతో పాటు త‌మిళ భాష‌ల్లో త‌ల సినిమా రిలీజ్ కాబోతోంది.

డైలాగ్ రైట‌ర్‌గా…

త‌ల మూవీలో రోహిత్, , సత్యం రాజేష్, , రాజీవ్ కనకాల, ఇంద్రజ కీలక పాత్రలు పోషించారు. ఈ సినిమాకు ధ‌ర్మ‌తేజ మ్యూజిక్ అందించారు. బీజీఎమ్ ఆస్లాం స‌మ‌కూర్చాడు. ఈ సినిమాకు డైరెక్ట‌ర్‌గానే కాకుండా కొరియోగ్రాఫ‌ర్‌గా, డైలాగ్ రైట‌ర్‌గా అమ్మ రాజ‌శేఖ‌ర్ వ్య‌వ‌హ‌రిస్తోన్నాడు.

కొరియోగ్రాఫ‌ర్‌గా ల‌క్ష్మి, ల‌క్ష్యం, దేవి, సైతో పాటు తెలుగులో ప‌లు సూప‌ర్ హిట్ సినిమాల‌కు ప‌నిచేశాడు అమ్మ రాజ‌శేఖ‌ర్‌, డైరెక్ట‌ర్‌గా ర‌ణం, ఖ‌త‌ర్నాక్‌, ట‌క్క‌రితో పాటు మ‌రికొన్ని సినిమాలు చేశాడు. బిగ్‌బాస్ సీజ‌న్ 4లో కంటెస్టెంట్‌గా పాల్గొన్నాడు.